„Современ дом“ АД Прилеп поседува 22.659 акции односно 5,01 проценти од вкупниот број обични акции издадени од „Македонијатурист“ АД, соопшти компанијата преку Македонската берза. „Современ дом“ со стекнувањето на дополнителен број акции во изминатиов период се придружи на групата акционери кои поседуваат над проценти од вкупниот број акции од „Македонијатурист“.
Инаку, од компанијата информираа дека во меѓувреме „МГ Фешн“ купила дополнителни 119 акции и сега поседува 51.696 акции односно 11,43 проценти од вкупниот број обични акции издадени од „Македонијатурист“ АД. Истовремено, „Чезакомерц“купила дополнителни 119 акции и сега поседува 28.810 акции односно 6,37 проценти од вкупниот број обични акции издадени од „Македонијатурист“ АД.
Според податоците на Централниот депозитар за хартии од вредност, заклучно со денеска, во групата акционери кои поседуваат над пет проценти од акциите во „Македонијатурист“ освен горенаведените компании се и „Скопски пазар“, која е најголем поединечен акционер и поседува 19,9 проценти од акциите, „Промедика“(11,9 проценти), Симеон Павлов(10,47 проценти) и „Македонијатурист“(10 проценти).
Прочитај повеќе
„Скопски пазар“ и „МГ Фешн“ ја зголемија сопственоста во „Македонијатурист“
Со новата трансакција „Скопски пазар“ ја зацементира позицијата – најголем поединечен акционер во „Македонијатурист“.
29.01.2025
„Чезакомерц“ ја зголеми сопственоста во „Македонијатурист“
Во „Македонијатурист“ има значителни промени во сопственичката структура и обиди за окрупнување на сопственичкиот капитал.
24.01.2025
„Скопски пазар“ и „Промедика“ ја зголемија сопственоста во „Македонијатурист“
Во „Македонијатурист“ подолг период тече процес на ново окрупнување на сопственичкиот капитал.
16.01.2025
Ја губи ѕвездата: Доне Таневски сега поседува помалку од 5 отсто во „Македонијатурист“
Доне Таневски поседува 17.247 обични акции, односно 3,81 отсто
03.01.2025
Продадени два блока акции од „Македонијатурист“ за 7,3 милиони евра
Акциите претставуваат 7,32 проценти од основната главнина на друштвото.
30.12.2024
„М.Г.Фешн“ продаде 15.000 акции од „Македонијатурист“
Според податоците од Централниот депозитар за хартии од вредност заклучно со 23 декември годинава компанијата поседуваше 7,69 проценти од вкупниот број акции од „Македонијатурист“.
26.12.2024
„Современ дом“ и „Скопски пазар“ го купија пакетот акции од „Македонијатурист“ за 7,3 милиони евра
Акциите се продадоа преку моделот „се или ништо“ по почетната цена од 10.150 денари по акција и со тоа двете компании се стекнаа со 9,83 проценти од основната главнина на друштвото.
28.11.2024
„Блумберг Адрија“ во повеќе наврати пишуваше дека во „Македонијатурист“ има значителни промени во сопственичката структура и обиди за окрупнување на сопственичкиот капитал. Неодамна, „Македонијатурист“ по барање на акционерот „Скопски пазар“ распиша повик за вонредна седница на Собранието на акционери која ќе се одржи на 17 февруари и на која треба да има промена на членовите на Надзорниот одбор на компанијата. Повеќето акционери коишто поседуваат над пет проценти од акциите веќе доставија свои предлози за нови членови на Надзорниот одбор.
.webp){kind=icon}