„Фајзер“ лиценцира кинески лек против рак за рекордни 1,2 милијарди долари

„Фајзер“ (Pfizer) однапред ќе плати 1,25 милијарди долари за да лиценцира експериментален лек против рак од Кина, во договор што го нагласува растечкиот ентузијазам на мултинационалните производители на лекови за кинеските биотехнолошки иновации.

Според соопштението за медиумите, договорот му дава права на „Фајзер“ да развива и комерцијализира лек од компанијата „3 ес-био“ (3SBio Inc.), со седиште во Шенјанг, кој моментално е во фаза на клиничко тестирање за повеќе типови тумори. Покрај авансното плаќање - што поставува нов рекорд за договори за лиценцирање во Кина - „3 ес-био“ има право на надоместоци до 4,8 милијарди долари за натамошно производство.

Акциите на „3 ес-био“ скокнаа за дури 52 отсто во Хонгконг, најмногу досега, продолжувајќи го растот трета последователна сесија.

Bloomberg Mercury

 

Денешниот договор ги подигна цените на здравствените компании, вклучувајќи ги фармацевтската групација „Епик хоуп“ (ApicHope Pharmaceutical Group Co.) и „Зејџијанг Хуахаи“ (Zhejiang Huahai Pharmaceutical Co.), чии акции пораснаа за 20, односно 10 отсто, што е дневен лимит на копното.

Индексот на компании за здравствена заштита беше најдобриот во рамки на композитниот индекс Hang Seng Composite Index, скокнувајќи за дури 3,8 проценти. Фармацевтската групација „Си-ес-пи-си“ (CSPC Pharmaceutical Group Ltd.) и „Иновент биолоџикс“ (Innovent Biologics Inc.) во Хонгконг пораснаа за дури 9,6 и 8,9 проценти соодветно.

Обложување на Кина

Според Ребека Лианг, виша аналитичарка за фармацевтски и биотехнолошки услуги во „Бернштајн“ (Bernstein), договорот со „Фајзер“ е рекорден надворешен договор за кинеска биотехнолошка фирма.

„Од реакциите на пазарот, гледаме дека инвеститорите го сметаат ова како доказ за сè поиновативниот квалитет на секторот како целина“, рече таа.

Американскиот фармацевтски гигант „Фајзер“ ќе направи и инвестиција од 100 милиони долари во акциите на компанијата „3 ес-био“  на берзата во Хонгконг, која инаку во Кина продава низа лекови против рак, автоимуни заболувања, болести на бубрезите, кожни заболувања и друго.

Многу од конкурентите на „Фајзер“ Pfizer се обложуваа на лекови со потекло од Кина за да го наполнат својот асортиман на лекови во текот на изминатите години. Бројот на големи договори за лиценцирање лекови од Кина во 2024 година достигна рекордно високо ниво, според „Глобал дата“ (GlobalData), со 28 проценти иновативни лекови лиценцирани од кинески компании.

Трендот продолжи и во 2025 година. „Ново Нордиск“ (Novo Nordisk A/S) и „Мерк и Ко“ (Merck & Co. Inc.) во последните месеци однапред издвоија 200 милиони долари за лек против дебелина и лек за срце.

Со овој нов договор, „Фајзер“ се приклучува на мал клуб на предизвикувачи кои се борат за лекот на „Мерк“ - „Китруд“ (Keytrud), кој е најпродаваниот лек во светот. Лекот на „3 ес-био“ делува на ист начин како терапијата од кинеската компанија „Акесо“ (Akeso Inc.), која во едно испитување го надмина „Китруд“. Инаку, вреди да се спомене дека „Мерк“ исто така купи сличен лек од кинеската биотехнолошка компанија „Ла нова медисинс“ (LaNova Medicines).

„Фајзер“ претходно соработуваше со американскиот партнер на „Акесо“, „Самит терапјутикс“ (Summit Therapeutics), за да тестира комбинации од лекот на „Акесо“ и „Самит“ со сопствените терапии на „Фајзер“. Овој истражувачки договор нема да биде засегнат од новиот договор, според аналитичарот на „Даива капитал маркетс“ (Daiwa Capital Markets), Вилфред Јуен, повикувајќи се на одговор од „Фајзер“.

„3 ес-био“ планира оваа година да ја започне првата студија на лекот во доцна фаза во Кина. Иако „Фајзер“ не ги претстави своите клинички планови, во соопштението се наведува дека лекот ќе го произведува во САД.

Новиот договор треба да ја ублажи загриженоста на инвеститорите за геополитичките ризици од трендот на повлекување од лиценцирања, што го поттикнаа кинеските биотехнолошки компании, напишаа аналитичарите на „Ситигруп“ (Citigroup) во својата белешка.

„Глобалната експанзија е клучната инвестициска теза за иновативните фармацевтски/биотехнолошки имиња“, напишаа аналитичарите. По договорот „Ситигруп“ ја зголеми целната цена на „3 ес-био“ од 13 на 21 хонгконшки долари (2,7 американски долари).

 

Во моментов нема коментари за веста. Биди прв да коментира...

Остави коментар