„Експидија“ (Expedia Group Inc.) ја зголеми својата вкупна целна продажба за годинава откако објави силни резултати од резервации во второто тримесечје, поттикнати главно од нејзиниот корпоративен бизнис, како и од подобрената побарувачка од американските потрошувачи.
Според тоа, компанијата очекува годишните приходи да се зголемат од три до пет отсто, што е подобро во споредба со претходниот тренд на раст во опсег од два до четири проценти, пишува во вчерашното корпоративно соопштение. Аналитичарите предвидоа раст од 3,6 проценти. „Експидија“ слично ги зголеми и своите прогнози за раст на бруто-резервациите на истиот период - од три до пет отсто.
Bloomberg Mercury
Прочитај повеќе
Каде летуваат богатите и славните и зошто денес е вистински луксуз - да не сте видени
Сакате да патувате под радарот? Еве шест европски „stealth wealth" одморалишта кои исто така ќе бидат совршени за време на есен.
02.08.2025
Пет нови авиолинии од Скопје до крајот на годинава
Од ноември од Скопје ќе се лета до Мадрид и Стокхолм, а од декември до Прага, Бари и Келн.
31.07.2025
Како да заштедите до 2.000 евра по патување избирајќи „дупликат дестинација“
Годините инфлација влијаеја на цените на туристичките услуги, а со тоа и на џебот на туристите, па затоа повеќето од нив сега се обидуваат да го комбинираат убавото и прифатливото.
07.07.2025
Од небо до врв: Македонија станува рај за алтернативен туризам
Летање со параглајдер или јавање коњ по планински патеки е една од можностите за активен алтернативен туризам, а Македонија има одлични услови за тоа.
26.06.2025
Сè повеќе Македонци патуваат сами: Кои пет дестинации им се омилени?
Пазарот на соло-патувања урива рекорди, покажа пролетниот извештај на „Ербиенби“. Од компанијата објавија дека самостојните пребарувања на нивната платформа пораснале дури за 90 отсто.
05.07.2025
По ваквите вести, акциите на „Експидија“ пораснаа за 6,8 проценти за време на продолженото тргување.
Оптимистичките изгледи доаѓаат и покрај знаците дека американските потрошувачи станале повнимателни при планирањето патувања. Претходно конкурентската компанија „Букинг“ (Booking Holdings Inc.) изјави дека забележала американски потрошувачи што резервираат пократки патувања по пониски цени и на инвеститорите им укажа на изгледи за раст за третиот квартал, кои беа под очекувањата.
„Тоа всушност беше приказна за два пазара“, истакна извршната директорка Аријана Горин во интервју. „Надвор од САД пазарот беше доста здрав. Внатре во САД беше послаб. Дојде до одредена мала поделба меѓу патниците на горниот дел на пазарот, кои сè уште патуваа, и тие од долниот дел на пазарот, каде што имаше малку повеќе чекање и следење“.
Побарувачката од американските потрошувачи се подобри во текот на јули, продолжи Горин, иако е тешко да се предвиди колку ќе биде одржлив тој раст со оглед на нестабилната заднина. Домашната продажба - која сочинуваше околу 60 проценти од вкупните приходи минатиот квартал - порасна за три отсто, што е значително помалку во споредба со скокот од 13 проценти во меѓународниот бизнис.
Приспособената заработка беше 4,24 долари по акција, надминувајќи ја просечната процена на аналитичарите од 4,09 долари.
.webp){kind=icon}
