Алфабет Гугл (Alphabet Inc. Google) секоја година на компаниите Епл (Apple Inc.), Самсунг Електроникс (Samsung Electronics Co.) и други телекомуникациски гиганти им плаќа по милијарди долари за илегално да го задржи своето место како пребарувач број еден, смета американското Министерство за правда, кое вчера ја изведе компанијата пред Суд.
Адвокатот Кенет Динцер не откри колку Гугл троши за да остане прв пребарувач на поголемиот број компјутери и мобилни телефони во САД, но рече дека во прашање се „големи цифри“.
„Гугл инвестира милијарди во опцијата „дифолт“, знаејќи дека луѓето нема да забележат“, изјави Динцер пред Судот во Вашингтон во текот на сослушувањето, додавајќи дека „тие ја купуваат ексклузивноста „по дифолт“, зашто таа опција им е многу важна“.
Прочитај повеќе
Децата онлајн минуваат и по 5 часа дневно со слаба родителска контрола
39 проценти од испитаниците опфатени во анкета на AEK рекле дека малолетните лица во нивното домаќинство во просек поминуваат и повеќе од пет часа приклучени на интернет.
10.08.2022
Се очекува дека судењето официјално ќе започне дури следната година, а на рочиштето сега само се изнесуваа податоци за случајот.
Антимонополската тужба против Гугл беше покрената во текот на последните денови од владеењето на администрацијата на поранешниот претседател Доналд Трамп. Тоа беше прв обид од толку голем размер да се заузда моќта на технолошкиот гигант, што се продолжува и сега, под водство на претседателот Џо Бајден. Белата куќа вчера организираше тркалезна маса со експерти за истражување на штетите, што големите технолошки платформи може да ги предизвикаат врз економијата и здравјето на децата.
Адвокатот на Гугл, Џон Шмитлајн, рече дека министерството и државата не го разбираат пазарот и всушност премногу ограничено се фокусираат на делот со намалување на конкурентите на пазарот. Гугл се соочува со конкуренција од десетина други компнаиии, вклучувајќи ги TikTok компанијата ByteDance Ltd., Meta Platforms Inc., Amazon.com Inc., Grubhub Inc.,како и некои други страници, каде корисниците може да пребаруваат информации.
„Не мора да одите на Гугл за да купувате од Амазон. Не мора да одите на Гугл за да купувате авионски карти од Икспедија“, рече адвокатот. „Фактот дека Гугл не се соочува секогаш со ист конкурент не значи дека всушност нема силна конкуренција“, додаде адвокатот на Гугл.
Новите и свежи информации на пребарувачите се всушност клучни за успех. Со ова тврдење се согласија сите адвокати, на американското Министерство за правда, државата и на Гугл. Гугл го контролира најпопуларниот пребарувач Хром (Chrome), како и другите најпопуларни од мобилниот оперативен систем Андроид (Android).
Во својата презентација адвокатот Динцер од Министерството посочи на механиката на пребарувачот на Гугл и на тоа како нивните договори за опцијата „дифолт“ штетат на потенцијалната конкуренција. Што се однесува на мобилните телефони, Гугл склучува договори со Епл, со произведувачите на паметни телефони, како што се Самсунг и Моторола, како и со поголемите американски мобилни оператори, AT&T Inc., Verizon Communications Inc. и T-Mobile US Inc., со цел да ја обезбеди својата алатка за пребарување како „дифолт“ и да дојде до прединсталација на новите телефони, рече Динцер.
Таквите договори на Гугл му овозможуваат значајна предност преку продор до многу повеќе луѓе, кои пребаруваат на интернет и му овозможува да ги спречи конкурентите во добивање на голем простор за да може да бидат поконкурентни, рече Динцер, додавајќи дека „дифолт“ ексклузивноста на Гугл всушност и овозможува на компанијата да ги исклучи податоците од своите ривали.
.webp){kind=icon}
