.webp){kind=icon}
Индитекс СА (Inditex SA), шпанската мултинационална текстилна компанија, ги зголемува цените повеќе отколку стапката на инфлација, поради што сопственикот на модниот ланец Зара (Zara) се истакнува над трговците кои се погодени од зголемените трошоци и несигурната побарувачка.
Зголемените цени помогнаа заработката пред оданочување на Зара да порасне на 2,43 милијарди евра во првите шест месеци, соопштија од компанијата. Тоа е повеќе од просечните проценки на аналитичарите на Блумберг, кои очекуваа дека заработката пред оданочување ќе биде 2,36 милијарди евра.
Акциите на компанијата утрово во Мадрид пораснаа за дури 6,1 проценти.
Податоците на „USB“, добиени преку анализа на над 1.000 интернет страници во 20 региони, покажуваат дека просечната цена на парчињата облека од Зара во јули годинава, споредено со истиот месец лани, пораснала за 12,2 проценти, што е стапка поголема од инфлацијата во многу од пазарите во светот.
Само за споредба, зголемувањето на цените на конкурентската „Hennes & Mauritz AB. Associated British Foods Plc“, сопственик на текстилниот ланец „Primark“, изнесува 5,6 проценти. Од оваа компанија минатата недела предупредија на намалување на добивката во следната фискална година зашто растечките трошоци за енергија ќе ги притиснат потрошувачите, а зајакнувањето на доларот дополнително ги оптоварува трошоците на компанијата.
„Јасно е дека Индитекс успешно се носи со инфлацијата на влезните цени и не трпи значајни последици на бруто маржата“, вели Ен Критчлов, аналитичарка во компанијата „Societe Generale“.
Тоа ниво на профитабилност е највисоко во последните седум години и компанијата предвидува дека ќе биде прилично стабилна во текот на целата година.
Ланец на испорака
Текстилниот гигант има поинаква структура на трошоците и поинаков ланец за набавка од своите конкуренти, а околу половина од производите потекнуваат од блиските пазари, како Шпанија, Мароко, Португалија и Турција. Исто така, забележа пораст на приходите во долари поради растот на продажбата во САД, пазар кој што минатата година стана најголем за оваа компанија. А, дополнително, доларот овој месец зајакна и се наоѓа на највисоко ниво во последните две децении во однос на еврото.
Продажбата во првата половина од 2022 достигна 14,8 милијарди евра, што е за 25 проценти повеќе отколку реализацијата во истиот период лани. Остварениот резултат е над очекувањата на аналитичарите.
Според пресметките на трговецот, продажбата преку интернет до 2024 година треба да надмине 30 проценти од вкупната продажба.
