.webp){kind=icon}
Сојузот на стопански комори е вклучен во дебатата за новите даноци што се воведуваат, но, за жал, ние не се согласуваме со оваа политика, рече во гостувањето на телевизијата Блумберг Адрија, претседателот на Сојузот на стопански комори (ССК), Трајан Ангелоски.
„Нашето размислување оди во правец дека како прво решение државата треба да се фокусира на рационализација на сите непродуктивни трошења и во јавните претпријатија и во државниот апарат. Евентуалното воведување нови давачки треба да биде последна опција, а не новите даноци да се прва опција“, посочи Ангелоски, кој додаде дека не се преголеми оптимисти дека нешто би се променило во текот на преговорите.
Запрашан пред сè во однос на данокот на екстра-профит, претседателот на ССК рече дека пораката што се праќа со новите даноци е многу погрешна.
„За воведувањето на данокот на екстра-профит, прво треба да се посочи дека македонската економија е една од најслабите во Европа. Македонските компании, ако се гледаат во реални европски рамки, сите би биле на дното на тие добивки. Во Европа има само неколку земји што го имаат воведено, а сега наеднаш се размислува тоа да се воведе и кај нас. Сметаме дека тоа е погрешна порака во погрешно време“, категоричен е Ангелоски.
Целиот разговор со него погледнете го во видеото во рамките на објавата.
