.webp){kind=icon}
Работни групи ги дефинираат подзаконските акти за полесно и ефикасно складирање на вишокот енергија од обновливите извори на енергија, вели во интервју за „Блумберг Адрија“, директорот на Агенцијата за енергетика, Дарио Николовски.
На овој начин треба дополнително да се поттикнат инвестиции во енергетиката и да се овозможи и намалување на трошоците на компаниите кои вложуваат во сопствени капацитети за обновливи извори на енергија. Николовски вели дека за таа дејност веќе е создаден простор преку измената на Законот за енергетика, која се направи во ноември лани.
Со тие измени покрај постоечките дејности односно производството и преносот на електрична струја регулирано е и складирањето. „Во моментов се создадени работни групи од страна на државните институции, но и од страна на делот на енергетика при Стопанската комора, кои работат на подзаконски акти и правилници со што непречено ќе се одвива складирањето и тоа ќе даде нов придонес на ова поле“, вели Николовски.
Прочитај повеќе
Нови 300 MW од обновливи извори ќе бидат приклучени на мрежа годинава
Државава за година и половина ги достигна таргетите од Зеленото сценарио
29.04.2023
„Зум ин“: Системи за складирање енергија за намалување на трошоците на компаниите
Според универзитетскиот професор Миновски, потребно е ревидирање на зелената стратегија.
05.05.2023
Фотоволтаици: Има барања за 8.000 мегавати, системот нема да ги издржи
Со реализација на најавените инвестиции во фотоволтаици би се јавила несразмерност
03.10.2022
Анѓушев: Непланското градење сончеви електрани не е решение за енергетската криза
За да има вистинска енергетска замена, потребни се електрани на сонце, ветер, вода и биогас, како и поставување на големи батериски системи за складирање
18.06.2023
Во Македонија во изминатиов период неконтролирано се поставуваа фотоволтаици, а експертите тврдеа дека е потребна стратегија и анализи за тоа кои се реалните потреби на државата за енергија. Нашиот енергетски систем има капацитет од 2.200 мегавати и никогаш не се користат над 1.600 мегавати.
Николовски е дециден дека државата води сметка за тоа кои можностите и потребите и дека измените за складирање на енергија ќе влијаат за постабилно производство и стабилен електроенергетски систем, а потврда за тоа е и што Македонија ја помина енергетската криза успешно.
„Немаше рестрикции и големо зголемување на сметките. Не чекаме да дојде новата сезона за да почнеме со подготовки, во моментов се почнати сите подготовки за новата сезона, затоа што енергетиката е стратешка област и не трпи импровизации, вели Николовски.
Првиот човек на Агенцијата за енергетика вели дека има инвестиции од обновливи извори на енергија, но не само во фотоволтации туку и во проекти за искористување на ветерната енергија, производство од биогас и искористување на хидропотенцијалот. „Државата, продолжува на патот на енергетската транзиција многу внимателно, бидејќи резултатите коишто треба да се добијат се на долг рок“, вели Николовски.
Повеќе гледајте на видеото
