Во време на брз развој и имплементација на вештачката интелигенција во бизнис-секторот, се чини дека секој на пазарот е заменлив.
„Автоматизацијата на бизнисите е неизбежен процес, но за компаниите носи големи придобивки – од намалување на трошоците до зголемување на квалитетот на нивните услуги“, вели во интервју за „Блумберг Адрија“ Крсто Златков, менаџер за бизнис-развој на „Кодвел АИ“ (CodeWell AI).
„Изминатава деценија во бизнис-секторот и насекаде и во јавниот и приватниот сектор интензивно се работеше на дигитализација на процесите. Е, сега, некако природно по таа дигитализација следуваат автоматизација и роботизација, конкретно со онаа цел што ја напоменавте и вие, а тоа е потребата од намалување на трошоците и зголемување на ефикасноста на голем број процеси. А тука е секако и недостигот од работна сила, не само она што го гледаме денес како можна закана туку бизнисите реално се соочуваат со недостиг од одреден квалификуван кадар во одредени индустрии, па оттука и потребата од одредена автоматизација на самите процеси“, вели Златков.
Прочитај повеќе
Алтман: Се работи на ВИ паметна колку луѓето, тоа ми прави голем стрес
Се оди кон креирање вештачка интелигенција способна колку и луѓето.
18.01.2024
Сем Алтман и Бил Гејтс го кажаа својот став за влијанието на ВИ врз изборите
Речиси половина од светското население ќе гласа на национални избори во 2024-та.
17.01.2024
Ништо лично, заменет си со дигитален близнак
Виртуелните или компјутерски генерираните модели добиваат на значење во светот на модата.
16.01.2024
ММФ: Вештачката интелигенција ќе влијае на 40 отсто од работните места
Постои потенцијал за вештачката интелигенција целосно да замени некои работни места.
15.01.2024
Врховниот суд на САД претпазлив за употребата на вештачка интелигенција во судството
Главниот судија на американскиот Врховен суд, Џон Робертс, го предвидува неизбежното и „значајно“ влијание на вештачката интелигенција врз правосудниот систем.
04.01.2024
Како пример тој ги посочува дигиталните асистенти што ги заменуваат вработените во секторите за корисничка поддршка.
„Во последно време работиме на првата платформа за креирање дигитални вработени, дигитални асистенти, а примарен сектор ни е автоматизација на секторите за корисничка поддршка. Доаѓаме до 90 отсто на автоматизација на овие процеси преку развој на три типа дигитални асистенти – агент за корисничка поддршка, агент за продажба и акаунт-менаџер итн., но и вработени што вие може да ги поставите внатре да работат интерно, не надвор кон корисниците, туку и внатрешно да ги работат интерните процеси на самата компанија. Фокус ни се банките и финансиските друштва и повикувачките центри, а до ова дојдовме поради последното истражување, кое го имавме изминатата година, а тоа е дека 7 од 10 луѓе се јавуваат во повикувачки центри и покрај тоа што имаат информации на веб-страници итн., или едноставно сакаат да бидат услужени. Околу 69 проценти од луѓето одат во конкуренти компании поради тоа што биле лошо услужени или имале лошо корисничко искуство. Имаме и 40 проценти намалување на вработените во овие сектори или во повикувачките центри поради тоа што луѓето не ја гледаат професијата како конкурентна или мотивирачка, па природно луѓето се повлекуваат или, пак, сè помалку аплицираат за овие работни позиции. И сега има голем број бенефиции – преку овие дигитални асистенти ние денес имаме 24 часа во континуитет корисничка поддршка и инстант одговори, разговор на ниво на човек“, вели Златков.
Сепак, додека во САД на пример, како што вели Златков, владее „пандемија на роботизација“, во Македонија сè уште има скептицизам.
„Со генеративните ВИ-технологии веќе доаѓаме до разговор на ниво на човек, намалуваме трошоци, ги препознаваат сите јазици, доаѓаме до тој природен начин на комуникација и имаме сè поголем увид во потребите на корисниците. И чисто за она што се случува кај нас на пазарот споредбено со другите пазари, во Америка моментално владее т.н. пандемија на роботизација или ако се јавите таму во сектор за корисничка поддршка, ќе ви се јави робот, кој нема да го познаете, има навистина човечки глас, тоа е ВИ што услужува или конкретно дигитален вработен. Е, сега, кај нас постои одреден скептицизам, тоа ни е во природата може да кажам, секогаш имаме некој скептицизам, но овој процес е неизбежен“, додава тој.