Доколку пропуштивте нешто од најновото издание на регионалниот магазин „Блумберг бизнисвик Адрија“, ова е краток преглед на темите што беа застапени во него и би можеле да ви го привлечат вниманието во текот на празничните денови.
- Главни теми:
ТРКАТА ЗА ПРВА БАНКА ВО РЕГИОНОТ Е ВО ПОЛН ЕК
Од Истанбул до Башчаршија – фејк-економијата врти милиони
Сѐ се лажира и насекаде се продаваат фалсификати, така накратко би можеле да ја сумираме состојбата на пазарот на фалсификати во регионот Адрија. Кој купува чанти од „Луј Витон“ или „Биркин“, патики на „Александар Меквин“, ремени од „Гучи“ и облека од „Бос“, односно по какви цени? Проверивме што се случува на пазарот на фалсификати.
Приватна архива
МЕЃУ АМЕРИКАНСКИОТ СОН И БАЛКАНСКАТА РЕАЛНОСТ
„Во мрачните моменти, ми се чини дека во САД се случува балканизација“, напиша Андреас Клут, колумнист за „Блумберг“ што ја покрива европската политика, во колумна во февруари. Каков е животот во САД и каква е врската со Балканот?
Приватна архива
- Накратко:
Колку се заштитени нашите банкарски депозити?
Целиот банкарски систем се заснова на доверба. Со колапсот на двете американски банки и проблемите на една швајцарска банка, се запрашавме колку се сигурни нашите депозити. Со цел да се заштитат штедачите и да се одржи довербата во банкарскиот систем, создаден е систем за гаранција на депозитите.
Така, во Хрватска и Словенија депозитите се заштитени до 100.000 евра, во Србија до 50.000, во Босна и Херцеговина до 38.000, а во Северна Македонија до 30.000 евра.
Доколку физичко лице има депозити во иста банка на повеќе сметки, средствата се собираат. Ако имате 100.000 евра на сметки во различни банки, државата ви гарантира 100.000 евра за сметката во секоја банка.
Криптоменувачници со дозвола од централната банка, и тоа во регионот Адрија
Кога зборуваме за регулација на размената на криптовалути во Европа, Србија веќе отиде чекор понатаму. Имено, таму две криптоменувачници - ЕЦД (ECD) и „Крипто 12“ (Crypto12), добија лиценца од централната банка за давање услуги поврзани со виртуелни валути. Од почетокот на примената на Законот за дигитални средства пред неполни две години, добивањето лиценца е услов за водење бизнис во Србија. Потегот на централната банка е револуционерен бидејќи Србија е една од водечките земји во регулацијата на криптовалутите (и на глобално ниво), и покрај многу конзервативниот однос на Народната банка на Србија кон таквите валути.
Криптовалутите во Босна и Херцеговина се регулирани само во половина од земјата, односно во Република Српска. Бањалучката компанија БЦХ (BCX) во моментов е единствената регистрирана во Агенцијата за пазарот на хартии од вредност како давател на услуги за тргување со криптовалути.
Но како е во Европа? Директивата што го регулира ова стапи во сила на 23 март, кога заживеа т.н. „сендбокс. Во него, регистрираните субјекти ќе можат контролирано да издаваат токенизирани хартии од вредност и да ги тргуваат преку регулирани берзи.
Полесно е да се биде премиер отколку милијардер
Еден од најбогатите Срби, Филип Цептер, на неодамнешниот бизнис-форум во Копаоник изјави дека никогаш нема да биде претседател на српската влада, но кажа и што би направил доколку стане премиер. „Би вложил милијарди во заштита на животната средина, бидејќи инвестирањето во животната средина е највредната инвестиција“, рече тој, нагласувајќи дека ниту една земја не може да биде успешна ако е загадена. За успех не се пресудни природните ресурси, туку околностите, рече бизнисменот и додаде дека успеал во кариерата затоа што секогаш добро ги познавал околностите. Белград е еден од градовите со најзагаден воздух во светот.
Пропаднат план на затвореници и апсење криптобегалец
Како на филм, група од најмалку осум затвореници, осудени за тешки кривични дела од десет години до доживотен затвор, кроеле план да побегнат од најголемиот затвор во Северна Македонија. За таа цел ископале тунел, кој во моментот на откривањето бил долг 60 метри. Во тунелот биле пронајдени неколку пластични канти што биле користени за отстранување на земјата. Можеби инспирацијата за овој подвиг ја добиле од холивудскиот филм „Бегство од Алкатраз“ (Escape from Alcatraz).
На улов се радуваат и Црногорците, бидејќи, според нивниот министер, уапсиле еден од најбараните криптобегалци во светот - До Квон, коосновач и директор на сингапурската компанија „Тераформ лабс“ (Terraform Labs). Поранешниот „криптокрал“ должи 40 милијарди долари по колапсот на стабилниот токен Terra-USD. Властите сега чекаат потврда за неговиот идентитет.
Најдобрата закуска во светот
Протеинските бисквити на хрватско-словенечкиот стартап „Бајтми“ (BiteMe) се избрани за најдобри бисквити во категоријата грицки на „Светската награда за иновации во храната“ (World Food Innovation Award) во Лондон. Тоа е една од најпрестижните награди во прехранбената индустрија.
„Во Хрватска е многу исплатливо да се биде богат, да се има голем имот и да се биде деловно неактивен, а да се работи и да се вработува воопшто не е привлечно“.
Вака Емил Тедеши, сопственик и претседател на управниот одбор на „Атлантик груп“, една од најголемите хрватски прехранбени компании, одговори на прашањето на „Блумберг Адрија“ како да се подобри деловното опкружување во Хрватска.
Тој порача и дека во однос на даноците, Владата дополнително треба да го олесни работењето и да го оптовари неискористениот имот, кој меѓу другото го вклучува и данокот на неискористени недвижности. Неопходно е уште повеќе да се засече во сивата економија, да се растоварат платите на вработените. Фирмите плаќаат многу, но вработените добиваат многу помалку отколку што би можеле, а тоа е една од причините поради кои младите заминуваат во странство, уверен е тој.
Во регионот најсреќни се Словенците, а Македонците најмалку
Словенија е најсреќната земја во регионот Адрија. Според Светскиот извештај за среќа, таа се најде на 22. место меѓу 137 земји вклучени во истражувањето. Втора е Србија на 45. место, трета е Хрватска на 48. место, потоа Босна и Херцеговина на 71. место, а најмалку се задоволни Македонците, кои се на 87. место.
Шеста година по ред најсреќни се Финците, потоа Данците и Исланѓаните, а покрај другите скандинавски земји меѓу најсреќните се и жителите на Холандија, Швајцарија, Луксембург и Нов Зеланд. На дното на рангирањето се претежно африканските земји, а најнесреќни земји во светот се Авганистан и Либан, зафатени од војна.
- Мислење:
Жените стануваат седокоси. Време е да се помирите со тоа
Демократијата на клацкалка меѓу државниот и пазарниот капитализам
- Бизнис:
„Гугл“ лови рипки и во регионот Адрија
Дали на вашата компанија ѝ треба директор за среќа на вработените?
- Економија:
Бегството на штедачите предизвика домино-ефект на банкарскиот пазар
Кога белите јаки бараат начин да го заобиколат законот
- Технологија:
Како „Гугл“ ќе одговори на ЧетГПТ? Ќе стави вештачка интелигенција во сè
Основачот на Инстаграм вели дека е време за нова социјална мрежа
Bloomberg Businessweek
- Финансии:
Малите инвеститори чекаат на ред да купат државни обврзници. Што се случува?
- Инспирација:
Почувствувајте го духот на минатото преку филм
Архива
Како подобро да се доживее средовечната криза
- За крај:
.webp){kind=icon}
