Лидерите на НАТО објавија остра порака во која ја осудуваат воената поддршка на Кина за Русија поради знаците дека Пекинг развива напаѓачки дрон за конфликт со Украина.
Во декларацијата објавена во средата вечерта за време на самитот на 75-годишнината во Вашингтон, НАТО ја опиша Кина како „одлучувачки двигател“ на руската војна против Украина. Во изјавата детално се објаснува снабдувањето од Кина со материјали за двојна намена, како што се компоненти за оружје, опрема и суровини кои служат како инпути за рускиот одбранбен сектор.
САД ги информираа сојузниците во НАТО за поддршката на Кина пред самитот, за да се создаде заедничката загриженост за растечкото одбранбено партнерство, според извори запознаени со ова прашање.
Прочитај повеќе
![Инфлуенсери од Тикток му помагаат на НАТО да се поврзе со генерацијата зед](/data/images/2024-07-10/65341_nato_kf.jpg)
Инфлуенсери од Тикток му помагаат на НАТО да се поврзе со генерацијата зед
Како и на повеќето 75-годишници, на НАТО му е потребна помош за да допре до помладата генерација.
10.07.2024
![Бајден: НАТО е помоќен од кога било](/data/images/2023-11-14/47075_404310288_kf.jpg)
Бајден: НАТО е помоќен од кога било
Претседателот на САД се обрати на отворањето на Самитот на НАТО во Вашингтон.
10.07.2024
![НАТО одбележува 75 години: Колку чини членството?](/data/images/2024-07-09/65295_nato_kf.jpg)
НАТО одбележува 75 години: Колку чини членството?
Изминативе години земјава се докажа како кредибилен партнер и сојузник во НАТО.
10.07.2024
![НАТО самитот е во сенка на превирањата во САД и Франција](/data/images/2024-03-27/57380_nato-fotka_kf.jpg)
НАТО самитот е во сенка на превирањата во САД и Франција
Тридневните свечености почнуваат денеска
09.07.2024
Во декларацијата се наведува дека Кина претставува „системски предизвик за евро-атлантската безбедност“, вклучувајќи сајбер активности и дезинформации, како и нејзиниот развој на вселенски способности.
„Ги повикуваме сите земји да не даваат никаква помош за руската агресија. Ги осудуваме сите оние кои ја помагаат и со тоа ја продолжуваат руската војна во Украина“, се вели во соопштението на Алијансата.
Портпаролот на кинеската амбасада Лиу Пенгју во соопштение испратено преку е-пошта рече дека „нормалната трговија на Пекинг со Русија се спроведува отворено“, додавајќи дека „Кина не доставува оружје на страните во конфликтот и строго го контролира извозот на производи со двојна намена“.
Шведскиот министер за одбрана Пал Џонсон рече дека би било „многу немудро“ Кина да испорачува оружје на Русија.
Сојузниците забележаа „дека Кина и Русија длабоко соработуваат на полето на одбраната“, вклучително и повеќе заеднички воени вежби, а Пекинг обезбедува многу опрема за двојна намена, рече Џонсон во интервју. „Тие ја зголемуваат таквата поддршка и тоа е голема загриженост“.
Американските власти рекоа дека Кина сè уште не обезбедува директна воена помош, како што се оружје и артилерија, што би претставувало невидена ескалација и речиси сигурно ќе предизвика посилен одговор -како што се санкции - против втората по големина економија во светот.
Сепак, европските престолнини беа вознемирени од извештаите овој месец дека кинеските и руските компании развиваат напаѓачки дрон сличен на иранскиот модел распореден во Украина, објави „Блумберг“ претходно.
Притисокот на НАТО покажува зголемен консензус меѓу САД и нивните партнери дека Пекинг претставува закана не само во Азија, туку и за европската безбедност преку нејзината поддршка за Русија. Во последниве години, европските престолнини од Берлин до Лондон, Прага и Вилнус го зацврстија својот став кон Кина.
„Блумберг“, исто така, во април објави дека Пекинг ѝ доставува на Русија сателитски снимки за воени цели, микроелектроника и машински алати за тенкови, како и низа технологии што се користат или се потребни за производство на оружје.
Уште во мај, поранешниот британски министер за одбрана Грант Шапс предизвика расправија со Вашингтон кога посочи дека Кина работи на обезбедување смртоносна помош за Русија. Советникот за национална безбедност на САД, Џејк Саливан, рече дека САД досега не виделе Кина директно да ѝ испорачува оружје на Русија.