ББА-анализа: Платите догодина поблаго ќе растат

Платите ќе забележат благ раст во текот на поголем дел од 2023 година, и покрај намалувањето на економската активност, стои во извештајот на аналитичкиот тим на „Блумберг Адрија“, кој се однесува на заработувачката во регионот.

За ова сценарио има две клучни причини.

Поради овие два фактора, според нашите аналитичари, работодавците се одлучуваат за поригидно зачувување на бројот на работници, што им ја отежнува работата во ситуации кога некој од работниците си заминува. Отказите ја зголемуваат моќта на преговори за условите за работа на другите.

Во текот на оваа година, до септември, платите во регионот Адрија се зголемија за девет отсто благодарение на висoкиот економски раст и постпандемиската побарувачка, но и поради зголемувањето на минималните плати.

Инфлацијата сепак го подјаде растот на платите и во регионот реалните плати се намалени за 1,4 отсто. Исклучок од ова се Србија и Босна, каде што поради повисокиот раст на номиналните плати, реалните исто така бележат зголемување.

Македонија

Просечната плата заклучно со септември во Македонија е најниска споредено со другите земји од регионот Адрија (508 евра), иако годишниот раст (јануари – септември) е над регионалниот просек и изнесува 9,9 отсто. Придонес кон растот на просечната плата даде зголемувањето на нето-платите во угостителскиот сектор за 18,4 отсто, но и растот на минималната плата на 18.000 денари во март. Хроничниот недостиг од работници е уште една причина за раст на платите. Сепак, поради високата инфлација, реално платите во земјава до септември се намалени за 2,2 отсто на годишно ниво.

Србија

Нето-платата во септември изнесува 625 евра и бележи раст од 13,9 отсто, што е најмногу во регионот. Ваквиот висок номинален раст придонесе инфлацијата да не го загрози растот на реалната плата и таа забележа зголемување од 2,7 проценти. Позитивното економско опкружување, растот на минималната плата и побарувачката за работна сила се главни причини за високиот годишен раст во земјата.

Depositphotos

Нето-платите во земјата годинава номинално се зголемија за 7,1 отсто (на 1.007 евра) поради рекордно ниската стапка на невработеност. Најголем недостиг од работници и годинава, исто како и претходно, имаше во туристичкиот сектор, малопродажбата и градежништвото.

Дополнителен фактор што влијаеше на растот на платите во Хрватска е и новото зголемување на минималните плати на почетокот на годината, како и зголемувањето на основицата за јавниот сектор во мај, што имаше влијание на примањата на 250.000 работници.

На реална основа, платите се намалија за 2,5 отсто на годишно ниво поради инфлацијата.

Словенија

Нето-платите во земјата се зголемија само за 2,5 отсто или најмалку во регионот (1.289 евра), главно како резултат на намалувањето на платите во јавниот сектор за 3,6 отсто за сметка на растот од 6,6 отсто во приватниот сектор. Инфлацијата го минусира растот на платите најмногу во регионот и реалните плати бележат пад од 5,4 отсто.

Босна и Херцеговина

Платите во земјата бележат раст од 11,7 отсто (565 евра) поради недостигот од работници, зголемувањето на платите во здравството и јавниот сектор во Република Српска и растот на основицата на јавниот сектор на државно ниво. Најголем раст има во администрацијата (28.3 отсто) и во секторот недвижности и угостителство (22 отсто). Поради повисокиот раст, инфлацијата во Босна не влијаеше за реалните плати да отидат во минус, па така тие стагнираа (0,2 отсто)

Според аналитичарите на „Блумберг Адрија“, во последниот квартал од оваа година динамиката кај нето-платите ќе остане позитивна не само поради недостигот од работници туку и поради растот на минималната плата, за покривање на растечките трошоци на живот.

 

Во моментов нема коментари за веста. Биди прв да коментира...

Остави коментар