Како и многу други кандидати за работа, младите банкари сè повеќе користат алатки за вештачка интелигенција како ЧетГПТ (ChatGPT) за да ги подготват своите резимеа.
Тоа вклучува тревога кај нивните потенцијални работодавци во инвестиционото банкарство што ценат внимание на детали и точност и бараат кандидати што не забошотуваат.
Добро утро! Ова се петте вести што треба да ги знаете на почетокот од денот.
Кој ги вози најскапите автомобили во Македонија и во регионот
Некогаш можевме само да сонуваме за суперавтомобили, егзотични и луксузни автомобили. Во земјите од регионот најчесто ги носеле богати туристи или емигранти. Но, со социјалната транзиција, интернационализацијата, глобализацијата и поврзаниот развој, нив сега можат да си ги дозволат некои oд жителите во регионот.
Колку се скапи автомобилите купени во земјите од регионот во 2024 година? Кои биле најскапите автомобили во Босна и Херцеговина (БиХ), Хрватска, Македонија, Словенија и Србија и кои биле нивни купувачи?
Овие прашања ги упативме до царинските управи и министерствата. Податоците се интересни, по малку изненадувачки, а во некои случаи и нелогични. Истиот модел на автомобил може да има сосема различна цена на различни пазари. Но списоците првенствено покажуваат дека жителите на регионот Адрија се страсни ентузијасти за автомобили.
Македонски компании урнаа историски рекорд во инвестирање во странство
Претставници на Владата неодамна се пофалија дека 2024 година ќе биде запаметена по рекордниот износ на вкупни странски директни инвестиции во земјава, меѓутоа се чини дека никој од надлежните не примети дека минатата година беше урнат уште еден рекорд – на директни инвестиции од Македонија во странство. Имено, според податоците на Народната банка директните инвестиции од Македонија во странство лани изнесувале 166,8 милиони евра што е убедливо највисоко ниво досега.
На првото место на листата земји во кои се слеале најмногу инвестиции од Македонија е Грција, кадешто лани имало прилив инвестиции од земјава во износ од 72,9 милиони евра. Потоа следуваат Британија (14,2 милиони евра), БиХ (11,5 милиони евра), Словенија (10,1 милиони евра) и Бугарија (7,7 милиони евра).
Македонски стартапи стануваат магнет за странски фондови и бизнис-ангели
Недостигот од расположлив капитал, особено во раната и развојната фаза, ги натера повеќето македонски стартапи да бараат инвестиции надвор од земјата. Тоа доведе до помал број локални инвестиции на ризичен капитал (VC) во споредба со претходните години, како што ни рекоа познавачите на стартап-состојбите во земјава.
„Сепак, позитивен тренд што го забележавме е зголемената заинтересираност на европските инвеститори за македонски стартапи. Сѐ повеќе VC фондови од регионот и пошироко активно бараат инвестиции во Македонија, што покажува дека, и покрај предизвиците, нашиот стартап-екосистем станува препознатлив на европската мапа“, вели Игор Маџов од „Стартап Македонија“, основач на неколку стартапи и стартап-организации, извонреден познавач на домашната стартап-сцена и пошироко.
Во 2024 година, и покрај општото забавување на инвестициската активност, неколку значајни рунди на финансирање покажаа дека македонските стартапи имаат потенцијал да привлечат сериозни инвестиции.
Над 9.500 слободни работни места во Македонија
Според податоците на Државниот завод за статистика, во четвртото тримесечје од 2024 година во Македонија имало 9.562 слободни работни места, а стапката на слободни работни места изнесувала 1,93 проценти.
Највисока стапка на слободни работни места од 3,47 проценти имало во секторот „објекти за сместување и сервисни дејности со храна“, додека најмала стапка од 0,13 проценти имало во секторот „јавна управа и одбрана и задолжително социјално осигурување“.
Деловните субјекти со број на вработени од 10 до 49 имале највисока стапка на слободни работни места, која изнесувала 2,69 проценти, а Пелагонискиот регион имал највисока стапка на слободни работни места, која изнесувала 2,72 проценти.
Украински мир: Кој ќе биде победник, а кој губитник?
„Има децении кога не се случува ништо. И има недели кога се случуваат децении“, рече своевремено рускиот револуционер Владимир Ленин.
ЕУ и, последователно, целиот свет во наредните недели, кога европските сојузници ќе му ја претстават на Трамп својата верзија за праведен мир во Украина, ги очекуваат револуционерни промени во областа на геополитиката, геоекономијата и безбедноста. На неодамнешниот самит за украинската и европската безбедност, британскиот премиер Кир Стармер рече дека „сме сведоци на момент што се случува еднаш во генерација кога станува збор за безбедноста на Европа“.
Врз основа на процени на аналитичарите, подготвивме преглед на тоа какви би можеле да бидат последиците од украинскиот мир и кои би биле победниците и губитниците на крајот на конфликтот што го обликува модерното време.
.webp){kind=icon}
Во моментов нема коментари за веста. Биди прв да коментира...