Швајцарскиот регулатор за обложување започна прелиминарна истрага за продажбата на блокчејн токените поддржани од ФИФА што навивачите можат да ги заменат за билети за Светското првенство во 2026 година.
Геспа (Gespa), која исто така е надлежна за надзор на лотарии и спортско обложување, истражува дали ФИФА ја продава можноста за освојување билети за спортски настан или нуди нешто поблиску до коцкање.
Добро утро! Ова се петте вести што треба да ги знаете на почетокот на денот, во избор на дигиталната редакција на „Блумберг Адрија“ од Скопје.
Зголемена стапка на банкротирани компании во Македонија
Во услови на голем број предизвици од опкружувањето, во текот на 2024 година бројот на правни лица над кои е отворена стечајна постапка се зголеми, што предизвика зголемување на стапката на банкротирани правни лица до ниво од 1,5 проценти (1,3 проценти во претходната година), наведуваат од Народната банка.
Оттаму додаваат дека тоа е слично на нивоата од пред пандемијата и засега упатува на ограничен ризик од несолвентност на секторот. Од Народната банка објаснуваат дека стапката на банкротирани правни лица е пресметана како сооднос меѓу бројот на правни лица над кои е отворена стечајна постапка во текот на годината и просечниот годишен број активни правни лица, кој се пресметува како просек од бројот на активните правни лица (регистрирани субјекти што доставиле годишна сметка до Централниот регистар) на крајот и почетокот на соодветната календарска година.
Mакедонски компании чекаат над 440 дена за наплата на побарувањата
На македонскиот корпоративен сектор лани во просек му требале околу три месеци (93,6 дена) за наплата на побарувањата, а над пет месеци (155,9 дена) за исплата на краткорочните обврски, покажуваат податоците на Народната банка.
На најголемиот број фирми во Македонија односно на таканаречените микроправни лица лани во просек им биле потребни повеќе од 440 дена за наплата на побарувањата и речиси 900 дена за исплата на краткорочните обврски.
Всушност, статистиката открива дека колку е поголема компанијата толку е помал бројот на денови потребни за наплата на побарувањата односно исплата на обврските.
Преку СЕПА побрзи и поевтини плаќања во евра во девет македонски банки
Македонските граѓани и компании почнувајќи од денеска ќе имаат можност да извршуваат плаќања во евра кон земјите на Единствената област за плаќања во евра (СЕПА) побрзо и со значително пониски такси.
Според објавените податоци, девет македонски банки се подготвени да започнат со извршување на плаќањата во рамките на СЕПА од 7 октомври. Тоа се „НЛБ банка“, „Стопанска банка“, „Комерцијална банка“, „Шпаркасе банка“, „Халк банка“, „Прокредит банка“, „ТТК банка“, „УНИ банка“ и „Централна кооперативна банка“. Три други банки работат на интеграцијата во системот и се очекува да бидат подготвени до крајот на првиот квартал од 2026 година.
Според официјалните тарифи на овие банки, плаќањата во евра кон земјите од СЕПА ќе бидат многу поевтини отколку преку традиционалното кореспондентно банкарство.
Пазарната капитализација на „Енвидија“ е полуда отколку што мислите
Кога го гледаме движењето на акциите на „Енвидија“ (Nvidia), речиси е невозможно да не се биде импресиониран од нејзиниот раст. Кривата на цените на графиконот се чини дека ги побива законите на гравитацијата, а инвеститорите често имаат впечаток дека овој раст може да продолжи бесконечно. Приказната за вештачката интелигенција, доминацијата на пазарот на чипови и неверојатните квартални резултати дополнително го поттикнуваат овој наратив.
Сепак, она што често се остава настрана е прашањето за обемот. „Енвидија“ повеќе не е „компанија на иднината“ која сè уште не го оправдала својот потенцијал, таа веќе стана гигантски играч чија пазарна капитализација се натпреварува со цели индустрии, па дури и со поединечни национални економии или берзи. Кога ќе ја ставиме нејзината големина во однос на други акции, индекси или економии, станува јасно колку е алармантно голема „Енвидија“.
Лагард: Претседателството на Франција не е за мене
Кристин Лагард ги отфрли шпекулациите дека има амбиции да стане следниот претседател на Франција.
„Мислам дека тоа е ужасна работа – и мора да бидеш некако создаден за такво нешто, а мислам дека јас навистина не сум“, изјави шефицата на Европската централна банка во поткастот „Финансиски лидери од академската заедница“ (College Leaders in Finance), одговарајќи на прашањето дали би ја прифатила таа функција.
Нејзиниот осумгодишен мандат во Франкфурт трае до октомври 2027 година. Мандатот на Емануел Макрон како претседател на Франција завршува истата година, но неколку месеци порано.
.webp){kind=icon}
Во моментов нема коментари за веста. Биди прв да коментира...