Инфлацијата во Шпанија се намали повеќе отколку што се очекуваше, спуштајќи се под 10 отсто, најмногу поради тоа што попуштија цените на енергијата, а влијание имаат и владините мерки за поддршка.
Потрошувачкиуте цени, кои се усогласени во Европската Унија (ЕУ) во септември пораснаа за 9,3 отсто во однос на истиот месец претходната година, што претставува пад во однос на августовските инфлаторни бројки, кои покажуваат раст на цените од 10,5 отсто, соопшти шпанскиот статистички институт. Тоа е значајно под 10 проценти, колку што беше проценката на истражувачките економисти на Блумберг.
Bloomberg Mercury
Забавувањето беше прекинато по падот на трошоците за електрична енергија, транспорт и горива.
Ваквите податоци може да бидат одредено олеснување за Европската централна банка (ЕЦБ), која што за прв пат по 10 години почна да ги зголемува каматните стапки за да ја заузда најсилната инфлација од воведувањето на заедничката европска валута.
Но, водечката економија на континентот, Германија, во текот на денов ќе ги објави податоците за кои што се очекува дека ќе покажат зголемување на инфлацијата на над 10 отсто. Еврозоната, исто така, веројатно утре ќе извести за уште еден рекорд.
Во Шпанија повлелкувањето на инфлацијата можеби нема да биде брзо.
„Бројките покажуваат дека се соочуваме со почеток на пад на инфлацијата, која што може многу бавно да се одвива и со повремени застои“, изјави Рејмонд Торес, шеф за макроекономски анализи во тинк-тенк Функас во Мадрид.
Растечките цени и натаму ги оптеретуваат активностите во Шпанија, четвртата по големина економија во еврозоната. Централната банка е подготвена да ги намали своите изгледи за раст и да ги подигне проекциите за инфлација, кои би требало да бидат објавени во текот на следната недела, изјави шпанскиот гувернер Пабло Хернандез де Кос.
Премиерот на Шпанија, Педро Санчез, размислува за зголемување на данокот за најбогатите за 1 отсто, со што ќе обезбеди повеќе од 30 милијарди евра, кои што ќе бидат пренаменети за помош на домаќинствата и компаниите. Неговата партија, исто така, предлага нови давачки за енергетските компании и за банките.
Во интервју за „Der Standard“ главниот економист на ЕЦБ, Филип Лејн, укажа дека европските влади може да се насочат кон нови или зголемување на постоечките давачки за богатите граѓани и високопрофитните корпорации од каде би пренамениле пари за поддршка на тие на кои им е најпотребно.
.webp){kind=icon}
