.webp){kind=icon}
Денешниот пресврт во политиката на владата на Обединетото Кралство нема да биде доволен за да го запре натамошниот пад на фунтата до крајот на годината, сметаат трговците.
Кварталните ризици за промени на фунтата во однос на доларот сè уште се движат близу до највисокото ниво кое го имаа за време на гласањето за Брегзит во јуни 2016 година, а тоа е сигнал трговците да останат загрижени дека ќе има дополнителни загуби.
Bloomberg
Ризикот останува и покрај закрепнувањето на фунтата по веста дека владата во Лондон се откажува од плановите да ја укине стапката на данок на доход од 45 отсто за оние со најголема заработувачка во земјата. Фунтата порасна за дури еден отсто по ваквите вести.
„Пазарот сè уште гледа дека владата има дефицит на фискален кредибилитет“, вели Џереми Стреч, шеф во Canadian Imperial Bank of Commerce во Лондон.
Минатата недела фунтата падна на рекордни 1,0350, бидејќи планот за намалување на даноците на владата ги поттикна стравувањата од влошување на јавните финансии и забрзување на инфлацијата.
Додека купувањето обврзници од страна на Банката на Англија во средата и помогна на валутата да го забави падот, аналитичарите предвидуваа нови падови откако премиерката Лиз Трус вети дека ќе се придржува до фискалната политика.
„Фунтата живее позајмено време,“ напиша Џејн Фоли, стратег во Rabobank во Лондон, во истражувачката белешка. „Не може да се исклучи пад до паритет, во зависност од одлуките донесени од британската влада“, вели таа.
Трас соопшти дека е решена да продолжи со своите планови за огромни даночни намалувања, бидејќи верува дека тие ќе ја направат земјата попросперитетна. Нестабилноста на фунтата „служи како корисен потсетник за потребата да се испорача веродостојна политика, особено во сегашната клима на висока инфлација и слабост на цените на средствата“, напишаа стратезите на Australia & New Zealand Banking Group Ltd., Брајан Мартин и Махџабин Заман во белешка.
