.webp){kind=icon}
Инфлацијата во Обединетото Кралство забрза повеќе од очекуваното, поттикната од храната и пијалоците, зголемувајќи го притисокот врз домаќинствата во однос на трошоците за живот.
Индексот на потрошувачките цени се зголемил за 10,1 отсто во септември од 9,9 отсто еден месец претходно, што е изедначување со 40-годишниот врв постигнат во јули, објави утрово Канцеларијата за национална статистика. Економистите очекуваа инфлација од 10 отсто.
Оваа бројка ја остава инфлацијата далеку над целта на Банката на Англија (BOE) од два отсто, што го зголемува притисокот врз креаторите на политиката значително да ја подигнат основната каматна стапка следниот месец. Постои опасност цените повторно да се забрзаат на почетокот на следната година, откако владата ќе ја олабави својата поддршка за сметките за енергија на домаќинствата.
Прочитај повеќе
Трас се откажа од намалување на даноците за најбогатите
Премиерката на Велика Британија се откажа од планот за намалување на даноците за најбогатите само 10 дена по објавувањето на ваквата мерка.
03.10.2022
Разрешен британскиот министер за финансии
Кваси Квартенг веќе не е британски министер за финансии.
14.10.2022
Даноците ќе растат - „Трасономикс“ заврши
Дел од даноците ќе мора да се зголемат, вели новиот министер за финансии
15.10.2022
Трас се извини за економскиот дебакл, но останува на функцијата
За само шест недели откако стапи на функцијата, економската политика на британската премиерка предизвика финансиска криза, итна интервенција на централната банка и бројни пресврти.
18.10.2022
Зголемените цени го предизвикаа најострото затегнување на потрошувачката моќ во последните децении, што доведе до пад на рејтингот на владата на премиерката Лиз Трас. Иако таа воведе дарежлива помош за сметките за енергија на домаќинствата и даночни намалувања за да се поттикне растот, неуспехот на пазарот ја принуди да се повлече од многу од тие мерки, оставајќи го отворено прашањето како ќе одговорат министрите.
GBPUSD:CUR
GBP
1,1271 USD
почетна цена
1,1319
претходна цена на затворање
1,132
промена од почетокот на годината
-16,7085%
дневен опсег
0,00 - 0,00
опсег на 52 недели
1,04 - 1,38
„Разбирам дека семејствата ширум земјата се борат со растечките цени и повисоките сметки за енергија“, рече во изјава новиот министер за финансии, Џереми Хант. „Оваа влада ќе даде приоритет за помош за најранливите“, додаде тој.
Лабуристичката опозиција ја обвини владата за поскапувањата. Рејчел Ривс, лабуристичката членка на парламентот која го напаѓа Хант од сенка, рече дека „новите цифри за инфлацијата ќе донесат уште поголема вознемиреност кај семејствата загрижени поради недостатокот на контрола од ториевците врз економската криза што тие самите ја создадоа“.
По информацијата, фунтата забележа пад, спуштајќи се за 0,3 отсто, до 1,1286 долар.
