Германските индустриски гиганти, како БАСФ (BASF SE), кои се борат со невидена енергетска криза што им се заканува на фабриките и на работните места, гледаат знаци дека најлошото од кризата помина. Стравувањата од рационализирање на употребата на гасот по руската инвазија врз Украина исчезнаа кај производителите на хемикалии, метали и стакло во земјата поради благите температури, а Германија го доврши својот прв терминал за увоз на течен природен гас.
Компаниите што наместо со долгорочни договори, се префрлија на купување гас и електрична енергија во моментот на пазарот, веќе ги користат придобивките.
„Цените на енергијата се значително пониски за нас. Двата наши погона работат и целиот наш производствен персонал повторно работи“, рече Кристофер Профитлих, портпарол на „СКВ Пиштериц“ (SKW Piesteritz GmbH), која минатата година беше принудена да го запре производството на клучната основна хемикалија, амонијакот, откако се зголемија цените на гасот.
Вкупно 68 отсто од извозот на американскиот течен природен гас патува за Европа, а само 27 отсто за Азија.
11.01.2023
Движење на цената на гасот / Bloomberg Mercury
Намерата на Германија да се одвикне од рускиот гас се исплати. Владата побрза со искористување течен природен гас на пазарот, зголемувајќи го увозот во Европа на рекордно високо ниво и одржувајќи ги резервите речиси полни во текот на раната зима. Земјата, исто така, забрза и со изградба на терминали за течен природен гас
„Изгледа дека ризикот од принудно рационализирање на гасот исчезна оваа зима. Но цените ќе треба да останат пониски многу подолго за поголемиот дел компании да забележат вистинска разлика“, рече Волфганг Гросе Ентруп, кој ја предводи германската асоцијација на хемискиот сектор ВЦИ (VCI).
Зголемувањето на цените на гасот принуди многу индустриски компании да го ограничат производството. Големите производители, вклучувајќи ги и производителот на автомобили „Фолксваген“ и хемискиот гигант БАСФ (BASF), подготвија планови за итни случаи доколку дојде до прекини во снабдувањето, бидејќи Русија од септември ефективно го запре директниот проток на гас.
Ценовен шок
Иако цените почнаа да опаѓаат, тие и натаму остануваат значително над нивото забележано пред да почне Русија да испорачува недоволно гас во месеците пред својата инвазија во февруари 2022 година. Компаниите што се справуваат со ценовен шок велат дека клиентите во многу случаи се свртеле кон друго место, како што е набавката на алуминиумски делови од САД или Азија.
„Чувството на апокалипса исчезна. Но сè уште нема причина за славење“, рече Мариус Бадер, директор на компанијата „Алуминиум Дојчланд“ (Aluminium Deutschland), кој ги претставува производителите на алуминиум.
Се намали и оптоварувањето на најголемата европска економија. Економистите предвидуваа пад во септември, откако се намали вредноста на показателите за доверба на потрошувачите и анкетите на менаџерите за набавки сигнализираа пад на производството. Сега се чини дека пошироката економија стагнира наместо да се намалува.
„Моменталната стабилна ситуација во снабдувањето со енергија гарантира дека производството засега е сигурно. Сепак, не може да се зборува за олеснување“, рече Матијас Фредерикс, претседател на Здружението на производители на градежни материјали БВ (BV).
„Има многу аларми и голем број симптоми што укажуваат дека не е далеку сериозна криза за руската економија“, вели Денис Манцевич, експерт за руската економија.
Внесете ја вашата имејл-адреса на која ќе ви испратиме линк за ресетирање на лозинката.
Надминат е максималниот број уреди. Ако сте сопственик на сметката, кликнете на „Испрати најавување со е-пошта“ за да добиете е-пошта со врска за најавување. Откако ќе ја следите врската, ќе можете да управувате со уредите поврзани со вашата сметка.
.webp){kind=icon}
