Француската инфлација се забрза на рекордно ниво во февруари, зголемувајќи го притисокот врз Европската централна банка (ЕЦБ) да испорача повеќе зголемувања на каматните стапки и зголемувајќи ги политичките ризици за претседателот Емануел Макрон поради растот на трошоците за живот.
Потрошувачките цени скокнаа за 7,2 проценти од пред една година, што е повеќе отколку во јануари, кога нивното зголемување беше седум отсто. Поголемите бројки од очекуваното во втората најсилна економија во еврозоната ќе го зацементира зголемувањето на стапката на половина поен, како што планира ЕЦБ за во март и ќе ги охрабри тие службеници кои велат дека се потребни повеќе големи потези за да се врати инфлацијата под контрола.
Раст на потрошувачките цени во Франција / Bloomberg Mercury
Креаторите на политики неделава ќе ги добијат податоците од речиси целиот континент. Бројките за еврозоната се очекуваат во четврток, при што економистите предвидуваат повлекување на 8,3 од 8,6 проценти.
Гувернерот на централната банка во Франција, Франсоа Вилерој де Галхау, смета дека инфлацијата е близу до нејзиниот врв. После најверојатното зголемување на стапката за 50 базични бодови во март ќе има помалку итност за ЕЦБ да дејствува, рече тој овој месец.
Најголем скок на цените во една генерација станува сè потежок предизвик за Макрон, кој веќе се соочува со масовни протести за неговите планови за реформи во пензискиот систем. Додека неговата влада потроши огромни суми за минатогодишниот почетен шок од високите енергетски цени, сега се соочува со нови стресови за јавните финансии со цел да ја врати поддршката. Истовремено, инфлацијата се шири во стоки и услуги каде што државата може полесно да интервенира.
Трошоците за храна се посебна загриженост и може дополнително да се следат преку годишните преговори помеѓу добавувачите и дистрибутерите. Француската агенција за статистика „Инсе“ (Insee) предвидува дека мерачот на основната инфлација, што ги вклучува прехранбени производи (не свежите), но не и енергијата, ќе застане на 5,7 проценти во јуни. Министерот за финансии, Бруно Ле Маир, рече дека за француските потрошувачи март нема да биде толку тежок месец, но сепак ги повика дистрибутерите да најдат нови начини за одржување на цените.
Државата работи на т.н. „кошничка против инфлација“, за која официјалните лица велат дека ќе дејствува како стандардизиран индекс за потрошувачите да го споредуваат растот на цените за секојдневните производи кај различни трговци на мало.
„Во периодот од сега до летото, инфлацијата треба да започне да опаѓа во нашата земја. Долго е, тешко е за нашите граѓани и ние ги штитиме“, рече Ле Маир минатата недела на телевизијата БФМ (BFM TV).
.webp){kind=icon}
Во моментов нема коментари за веста. Биди прв да коментира...