Нуклеарната енергија мора да се третира на исто ниво со обновливите извори во целото европско законодавство во период кога блокот ги следи плановите да го забрза своето преминување од фосилни горива кон почисто производство на електрична енергија, соопшти француската министерка за енергетска транзиција, Ањес Паниер-Рунашер.
Франција формираше голем сојуз за да го забрза развојот на нуклеарната енергија, рече Паниер-Рунашер, истакнувајќи дека 16 од 27 земји-членки на Европската унија го поддржуваат ова гориво, додека Австрија, Луксембург и Германија не сакаат да го користат.
„Ако Германија успее да ги намали своите стакленички гасови со своите енергетски избори, мислам дека нема да има потешкотии“, изјави таа за телевизијата „Синјуз“ (Cnews). „Сепак, онаму каде што Франција е многу јасна и каде јас сум многу јасна во однос на другите европски земји, е дека треба да има технолошка неутралност во сите европски текстови“, додаде таа.
Прочитај повеќе
Цената на струјата во Франција паѓа поради активирањето на реакторите
Француската цена на електрична енергија за еден месец однапред падна дури за 13 проценти.
28.11.2022
Кина на Месечината ќе гради база на нуклерана енергија
Кина планира да ја изгради својата прва база на Месечината до 2028 година.
26.11.2022
„Мораме да имаме ист тип на законодавство за нуклеарната и за обновливите извори на енергија“, рече таа.
Напорите на Франција да обезбеди сличен третман на нуклеарната енергија во климатските цели на ЕУ за индустријата, како и противењето од некои земји од централна и источна Европа, загрижени за трошоците за зелена транзиција, доведоа до одложување на клучниот елемент од пакетот Зелен договор на блокот минатата недела. Франција е во преговори за постигнување договор до крајот на јуни.
Германија ги повлече своите последни реактори минатиот месец, принудувајќи ја да го обезбеди снабдувањето со енергија без нуклеарните капацитети или природен гас од Русија, по нејзината инвазија на Украина. Берлин сака постепено да го укине своето производство на јаглен до 2030 година. Во Франција, најголемиот дел од електричната енергија доаѓа од нуклеарната енергија.
Паниер-Рунашер рече дека Франција ги намалила своите емисии на стаклена градина за 2,5 проценти минатата година - благодарение на нуклеарната енергија, а особено поради намалената потрошувачка - додека нејзиниот сосед успеал да ги намали емисиите за 1,9 проценти.
„Сега треба да се забрза“, рече таа, мислејќи на Германија.
„Ако се држи до својата траекторија за намалување на емисиите на стаклена градина, тaa ќе биде дел од колективот“, рече министерката.
.webp){kind=icon}
Во моментов нема коментари за веста. Биди прв да коментира...