Силниот раст на потрошувачките цени во еврозоната бара поголемо зголемување на каматните стапки од страна на Европската централна банка (ЕЦБ) и постојано заострување на монетарната политика, оценува Меѓународниот монетарен фонд (ММФ).
„Прогнозите за инфлацијата и високата неизвесност за нејзиното траење сугерираат дека ќе биде неопходно да се води построга монетарна политика од сегашната, на подолг период, со цел да се одржи стабилноста и да се постигне навремено враќање на инфлацијата на посакуваните нивоа“, посочија од ММФ во петокот, еден ден откако креаторите на политиката во Франкфурт ги зголемија каматните стапки по осми последователен пат и најавија сличен потег во јули.
Инфлацијата во регионот се намали од рекордните 10,6 отсто во октомври, но останува повеќе од три пати над целта на ЕЦБ од два отсто. Поради тесните финансиски услови, поттикнати од невидениот циклус од зголемувања на каматните стапки за 400 базични поени од јули, и олеснувањето на ограничувањата во понудата, стапката ќе продолжи да забавува, а „усогласување со целта се предвидува кон средината на 2025 година“, посочуваат од фондот со седиште во Вашингтон.
Прочитај повеќе
ЕЦБ со ново покачување, затегнувањето не е завршено
Европската централна банка ги зголеми каматните стапки за уште 25 базични поени.
15.06.2023
ЕЦБ ќе има уште работа со зголемување на стапките, вели Шнабел
ЕЦБ не завршила со зголемувањето на трошоците за задолжување бидејќи базичната инфлација покажува неочекувана издржливост.
07.06.2023
Инфлацијата во еврозоната во мај забави на 6,1 отсто
Годишната стапка на инфлација во еврозоната била 6,1 отсто во мај 2023 година, што е намалување во однос на седум отсто во април.
16.06.2023
Еврозоната претрпе блага рецесија поради енергетските шокови
Еврозоната претрпе многу блага рецесија во текот на зимата, откако руската војна во Украина ги зголеми цените на енергентите.
08.06.2023
Сепак, од таму посочуваат дека базичната инфлација, која ги исклучува нестабилните елементи како што се енергијата и храната, „покажа поголема упорност и дури неодамна почна да се намалува“.
Инфлацијата во еврозоната и натаму е повисока од целта од два отсто
Bloomberg
Во својот финален извештај, ММФ ја пофали „исклучителната издржливост“ на економијата на еврозоната по руската инвазија на Украина и најголемиот трговски шок во последните децении.
Сепак, растот оваа и следната година ќе биде „скромен“, додека производството, со оглед на трошоците за прилагодување на трајно повисоките цени на енергијата, „веројатно ќе остане под предвоените нивоа подолг период“.
ММФ ги повика земјите од регионот да ги ограничат јавните трошоци и блокот брзо да постигне договор за реформирање на економското и фискалното управување на Европската унија.
„Фискалната политика во текот на 2023 и 2024 година треба да остане цврста. Зошто? За да се намали вкупната побарувачка и инфлација и да се влијае на намалување на каматните стапки, со што се намалуваат ризиците по финансиската стабилност и, се разбира, се поставува цврста основа за раст“, рече директорката на ММФ, Кристалина Георгиева во петокот во Луксембург.
Фондот, исто така, предупреди дека „олабавувањето на правилата за државна помош“, кои им дозволуваат на членките на ЕУ да даваат субвенции или даночни олеснувања за да се натпреваруваат со другите, „може да доведе до високи фискални трошоци, но и до економска неефикасност и нарушувања“.
.webp){kind=icon}
