Стапката на инфлација во Италија во јуни падна на најниско ниво во изминативе 14 месеци, што нуди ограничено уверување за Европската централна банка дека слабее притисокот на трошоците пред да бидат објавени податоците за целиот регион подоцна оваа недела.
Потрошувачките цени се зголемија за 6,7 проценти во однос на претходната година, што е значително пониско од мајскиот пораст од 8 проценти, според извештајот на италијанскиот Институт за статистика објавен денеска. Забавувањето на цените на комуналните услуги и поевтините транспортни трошоци помогнаа да се намали целокупното темпо на раст.
Податоците од третата по големина економија во регионот ја поставија сцената за претстојните два дена во кои треба да следуваат објави за стапката на инфлација од другите земји, а кои веројатно ќе покажат широк, но ограничен напредок во намалувањето на инфлацијата. Бидејќи стапката на инфлација во Италија е многу над целта од два проценти, ЕЦБ веројатно нема да биде задоволна од резултатите.
Прочитај повеќе
Потезите на ЕЦБ се „бесмислени и опасни“
Двајца италјански вицепремиери го критикуваат најавеното ново зголемување на каматите
27.06.2023
Италија и Медитеранот „преплавени“ со јахти
Бројот на јахти е зголемен во речиси секоја медитеранска земја, при што Грција е домаќин на 235 јахти, во споредба со 217 во Франција, 150 во Шпанија и 94 во Турција
17.06.2023
Италијанската „долче вита“ привлекува сѐ повеќе милионери
Австралија и понатаму е прв избор за преселување на светско ниво, а најмногу милионери си одат од Кина
14.06.2023
Најзагрижувачки за функционерите е можното забрзување на растот на основните цени. Податоците за овој показател се очекуваат во извештајот за еврозоната што треба да биде објавен во петок. Нивната грижа е дека инфлацијата ќе се вкорени во економијата поради барањата за повисоки плати.
Претседателката на ЕЦБ Кристин Лагард вчера соопшти дека нема да ризикува.
„Иако во моментов не гледаме појава на спирала цени/плати, колку подолго инфлацијата останува над целта, толку се поголеми таквите ризици“, рече таа. „Ќе продолжиме да ги зголемуваме стапките во јули“.
Перспективата за дополнително заострување предизвика непосредна критика од двајцата вицепремиери на Италија, кои се лидери на партиите во коалицијата на премиерката Џорџија Мелони. Најостар беше Матео Салвини, кој рече дека политиката на ЕЦБ е „глупава и опасна“.
Во средата се приклучи и самата Мелони, опишувајќи ги активностите на централната банка како „поедноставени“.
Ваквите забелешки укажуваат на моменталната дилема на Италија. Порастот на цените на основните производи како тестенините, доматите и маслиновото масло предизвикуваат главоболки за Владата, која полека ги укинува мерките за помош за семејствата и бизнисите погодени од енергетската криза.
Но, повисоките трошоци за позајмување за да се ограничи инфлацијата претставуваат дополнителен товар врз затегнатите јавни финансии на земјата, повредувајќи ги потрошувачите и како заемопримачи и како даночни обврзници, а истовремено влијае на растот. Главната деловна асоцијација на Италија претходно оваа недела предупреди дека економијата покажува знаци на опаѓање.
Општата слика за еврозоната подобро ќе се знае по утрешните објави кои најверојатно ќе покажат драстична дивергенција.
Шпанската инфлација веројатно ќе забави под целта на ЕЦБ од два проценти, според предвидувањата на економистите, додека во Германија можен е раст поради високата базна основа од минатата година, кога таму имаше големо намалување на цените во јавниот транспорт.
Во петок се очекува забавување и на францускиот раст на потрошувачките цени. Прогнозите на економистите укажуваат на слабеење на вкупната инфлација, но и зголемување на таканаречената базична инфлација од која се исклучени нестабилните елементи како што е енергијата.
.webp){kind=icon}