Обидот на Европската централна банка (ЕЦБ) да го направи своето прво зголемување на каматните стапки од 2011 година, без да предизвика распаѓање на еврото, ќе добие нов моментум.
Сега официјалните лица го видоа рекордното отчитување на инфлацијата во јуни, за кое се оценува дека е клучно за нивниот следен монетарен потег, а тие ќе се состанат в среда за последната закажана можност да се подготват за нивниот дводневен состанок кој започнува на 20 јули.
Bloomberg
Со сите главни податоци од еврозоната објавени на отворено, и најавени клучни собири, креаторите на политиките можат да се фокусираат на пазарење околу зголемувањето на каматните стапки и дизајнот на антикризните мерки.
Прашањето за 25 или 50 базични поени, кое е во голема мерка контроверзно, до сега ќе беше главна тема доколку не беше избувнувањето на италијанските должнички превирања што ја принуди претседателката на ЕЦБ, Кристин Лагард, да одржи итни разговори и да упати ветување за нова алатка.
Целиот циклус на затегнување за кој официјалните лица сонуваа со години и за кој зборуваа со недели се потпира на нивната способност да дејствуваат без да им дадат причина на инвеститорите да се сомневаат во способноста на послабите членки на еврозоната.
Bloomberg Chartmaker
Зголемувањето на стапките би ѝ овозможило на ЕЦБ да фати чекор во време кога поголемиот дел од светот е веќе далеку понапред. Тоа ги вклучува и Федералните резерви на САД, кои значително ја забрзаа акцијата минатиот месец со своето најголемо зголемување од 1994 година.
ЕЦБ се обиде да ги подготви пазарите за овој момент, откако веќе во јуни објави детали за планираните зголемувања на каматните стапки во јули и септември, со најава дека потоа ќе следат повеќе.
Лагард на годишниот собир во португалското одморалиште Синтра минатата недела повтори дека намерата е да се започне со четвртина поен на 21 јули. Пјер Вунш, шефот на Белгиската централна банка, го опиша таквиот потег како веќе завршена работа.
Но, колегите од балтичките земји предложија повисоко зголемување, доколку се влоши позадината на инфлацијата.
„Ако податоците упатуваат на постојаност на инфлацијата, на нејзино забрзување, 50 базични поени би требало да бидат соодветна мерка за јули“, изјави литванскиот шеф, Гедиминас Симкус, минатата недела за Bloomberg.
Дали тоа се материјализираше во петочното читање од 8,6 отсто, што е нов рекорд на инфлацијата над консензусот, веројатно ќе биде прашање на дебата. Просечната проценка на економистите е надминувана веќе секој месец, освен еден во изминатата година.
Во исто време, мерачот на основната инфлација, без енергија и храна, се намали на 3,7 отсто во јуни. Инвеститорите, исто така, се повеќе се загрижени дека забавувањето на економијата би можело да ги поттикне креаторите на политиката да преземат поколеблив пристап кон зголемувањето на каматните стапки.
Германските двегодишни приноси, кои се најчувствителни на промените на каматните стапки, се преполовија во петокот од врвот од 1 отсто поставен претходно минатата недела и додека пазарите на пари се држат до облозите за 75 базични поени на зголемувања до септември, тие ги намалија облозите за тоа колку дополнително затегнување е потребно. Трговците сега се обложуваат дека стапката на депозит ќе се зголеми на 1,5 отсто до крајот на следната година, што е пад од еден поен во споредба со пред две недели.
„Очекуваме зголемување од 25 базични поени во јули, проследено со 50 базични поени во септември и зголемувања од 25 назични поени во октомври и декември. Стравот од постојана инфлација ги надмина грижите за рецесија - јастребите во Управниот совет ја добиваат дебатата“, вели Дејвид Пауел, виш економист, за Boomberg Economics.
Дискусијата за стапките би била доволно тешка и без да се смисулва убедлива алатка за борба против кризи, што креаторите на политиките ја ветија по вонредниот состанок на 15 јуни.
Bloomberg
Точниот дизајн не е прецизиран, иако правниот императив за избегнување на монетарното финансирање е сеопфатно ограничување. Вработените подготвуваат предлози за да ги презентираат до Управниот совет.
Креаторите на политиките во Синтра истакнаа два клучни елемента. Првиот е дека алатката треба да биде толку убедлива што ЕЦБ нема да има потреба да ја користи - потсетувајќи на алатката ОМТ што ја најави поранешниот претседател, Марио Драги, пред една деценија.
Вунш ја повтори етикетата „бекстоп инструмент“ во интервју минатата недела, велејќи дека тешко е да се размислува за ненајавена фрагментација што ќе ја оправда присутноста на пазарите на постојана основа.
Второ, алатката треба да обезбеди дека ЕЦБ не додава ликвидност што би се спротивставувало на напорите за затегнување на монетарната политика. Постојат различни начини да се постигне ова, иако официјалните лица го користеа терминот „стерилизација“ за да го опишат тоа барање.
За да ги држи финансиските пазари додека не се открие мерката, ЕЦБ флексибилно ги реинвестира обврзниците кои доспеваат во својата пандемиска програма за купување. Таа мерка стапи во сила во петокот.
.webp){kind=icon}
Во моментов нема коментари за веста. Биди прв да коментира...