Германскиот гасен гигант „Унипер“ (Uniper SE) преговара со владата за потенцијален пакет помош од дури девет милијарди евра.
Владата разгледува низа мерки, вклучувајќи заеми, преземање сопственички удели и пренесување на некои од зголемените трошоци на клиентите, изјавија за Bloomberg двa извора запознаени со преговорите.
Германското Министерство за финансии и „Унипер“ одбија да коментираат. Компанијата, која е еден од најголемите увозници на руски гас, минатата недела објави дека е во преговори со владата за обезбедување ликвидност. Нејзините акции во понеделникот потонаа за 28 отсто, па сега пазарната вредност на компанијата е 4,14 милијарди евра.
Германија, која ја изгради својата економија на евтин руски гас, се бори со ограничувањата во снабдувањето и зголемените цени на горивата додека Москва ја казнува Европа за нејзината поддршка за Украина. Германскиот министер за економија, Роберт Хабек, предупреди дека гасната криза може да предизвика колапс на пазарот, по примерот на „Леман брадерс“ (Lehman Brothers) во финансиската криза од 2008 година.
Bloomberg
Како дел од планот, владата подготвува закон кој ќе ѝ овозможи на државата да ги преземе акциите во пропаднатите енергетски фирми, според извори запознаени со ситуацијата. Тоа, исто така, ќе го префрли товарот од поскапувањето на бензинот повеќе врз корисниците. Предлог-законот треба да биде одобрен оваа недела.
Аналитичарите проценуваат дека намаленото руско снабдување го чини „Унипер“ околу 30 милиони евра дневно.
Хабек рече дека протокот на гас од Русија може да се намали и предупреди на ризикот од домино ефект врз пропаднатите компании.
Во неволја е и пошироката економија, а владата се обидува да ги контролира последиците за потрошувачите и индустријата. Беа направени планови за рационализација, па огромната германска индустрија наскоро би можела да претрпи недостиг.
„Ние немаме работа со неразумни одлуки, туку со економска војна, целосно рационална и многу јасна“, посочи Хабек во саботата. „По намалувањето на снабдувањето со гас за 60 отсто, логично е да следи дополнително намалување“, додаде тој, коментирајќи ги постапките на Русија.
Министерството за економија во понеделникот одби да го коментира случајот. Канцеларот, Олаф Шолц, во текот на викендот сигнализираше дека владата може да ги искористи средствата за спас акумулирани за време на пандемијата за да ја спаси „Луфтханза“ од кризата во која западна авиопревозникот. Германија издаде заеми за авиокомпанијата и презеде 20 отсто од акциите. Таа помош дојде со забрана за исплата на дивиденди и бонуси на менаџментот.
.webp){kind=icon}
