Европската централна банка (ЕЦБ) ги зголеми референтните каматни стапки за 50 базични поени, што е прво зголемување во последните 11 години и највисоко од 2000 година, бидејќи креаторите на политики се соочуваат со инфлација, дури и кога се зголемуваат ризиците од рецесија.
Со оглед на тоа што Италија претрпе нов политички потрес, претседателката на ЕЦБ, Кристин Лагард и колегите, исто така, претставија алатка за која се надеваат дека ќе обезбеди пазарите да не ги зголемуваат трошоците за задолжување премногу агресивно во ранливите економии, како што се случи во 2012 година, кога самото постоење на еврото беше доведено во прашање.
Денешниот потег ја става ЕЦБ во линија со глобалниот притисок за заострување и завршува осумгодишниот експеримент со трошоци за задолжување под нулата. Во соопштението на ЕЦБ се вели дека натамошната нормализација на каматните стапки ќе биде разгледувана на претстојните состаноци.
„Управниот совет ќе направи транзиција и преку пристап 'од состанок до состанок' ќе им пристапува на одлуките за каматните стапки“, се вели во извештајот, во кој не се споменуваат насоки за висината на идните зголемувања.
Како што се спроведуваат тие чекори, ќе биде воспоставен и Инструмент за заштита на монетарниот пренос (Transmission Protection Instrument - TPI), кој може да се активира за да се спротивстави на, како што се вели, неоправданата, неуредна динамика на пазарот.
Денешното зголемување на стапката на депозитите е двојно повеќе од вредноста со која што се шпекулираше до пред само неколку дена и беше предвидено од само четворица од 53 економисти анкетирани од Bloomberg. Лагард најверојатно ќе се соочи со прашања зошто таа со недели сигнализираше промена од 25 базични поени, пред официјални лица запознаени со разговорите во вторникот да кажат дека ќе се дебатира за двојно зголемување.
ЕЦБ се придружува на глобалниот клуб за зголемување на каматните стапки
Bloomberg
ЕЦБ им се придружи на 80 меѓународни сродни институции, вклучително и Федералните резерви на САД (ФЕД), во подигнувањето на стапките годинава, како еден вид борба против вжештената инфлација, откако неколку месеци предвидуваше дека таквите притисоци ќе исчезнат.
Од почетокот на годината Федералните резерви (ФЕД) ја зголемија референтната каматна стапка на 1,75 отсто, додека Банката на Англија (BOE) ја зголеми каматната стапка на 1,25 отсто во средината на јуни.
Потрошувачките цени во еврозоната сега се зголемуваат за повеќе од четири пати од предвидената цел од 2 отсто.
.webp){kind=icon}
