Во Грција изгор, во Србија најскапо во регионот: Каде да наполните гориво?

Со доаѓањето на јуни веќе почнува летната туристичка сезона и на големо се кројат планови и подготовки за годишните одмори. За дел од граѓаните што ќе отпатуваат на планираните дестинации со своите автомобили големо влијание врз буџетот одвоен за летниот одмор ќе имаат трошоците за гориво. Затоа, добро е да се знае како се движат просечните цени на горивата во регионот и во ЕУ, бидејќи со добро планирање и искористување на разликите во цените на горивата од земја до земја може да се заштедат доволно пари за покривање други трошоци.

Без разлика на тоа каде патуваат, на македонските граѓани најмногу им се исплати да ги наполнат резервоарите пред граничните премини, со оглед на тоа што цената на горивата (литар еуросупер 95 - 1,34 евро и литар дизел - 1,19 евро) е меѓу најниските во Европа. Од земјите во регионот, цени приближно ниски како и во Македонија има само во Бугарија и во БиХ.

Забележително е дека цените на горивата во Србија се повисоки отколку во Хрватска и во Словенија односно се највисоки во регионот Адрија. Карактеристично за Грција, која поради близината им е една од омилените дестинации за летните одмори на македонските граѓани, е што е една од трите европски земји со највисоки цени на еуросуперот (Грција - 1,91 евро за литар еуросупер, Холандија - 2 евра и Данска  -2,03 евра). Од друга страна, Србија со просечна цена на дизелот од 1,71 евро за литар е една од трите европски земји со највисоки цени на ова гориво покрај Ирска (1,73 евро за литар) и Италија (1,72 евро за литар).

 

 

 

 

Во моментов нема коментари за веста. Биди прв да коментира...

Остави коментар