.webp){kind=icon}
Европскиот пазар за јавен долг е подготвен да ја проследи својата прва продажба на обврзници поддржани од заеми за соларни панели.
Секјуритизацијата (англ. securitization, претставува процес на земање некој неликвиден финансиски инструмент и издавање ликвиден финансиски инструмент врз основа на тие кредити, односно здружување и препакување заеми во нови финансиски хартии од вредност) е широкораспространета меѓу американските компании за обновливи извори на енергија. На тоа се гледа како на добар начин да се поттикне усвојувањето соларни панели со намалување на трошоците за потрошувачите за почетното финансирање, а истовремено да се намалат ризиците во билансите на состојба за компаниите. Договорите за секјуритизација се вообичаени и меѓу европските хипотекарни заемодавци и производители на автомобили, но во регионот сè уште не е направена јавна понуда од страна на компанија за обновливи извори на енергија.
Договорот на „Енпал“ ќе ги постави темелите за другите издавачи бидејќи инвеститорите ќе се запознаат со оваа класа на средства, смета Кас Бонсема, аналитичар во „Рабобанк“ (Rabobank). „Доколку се прифати добро, тоа би можело да ги поттикне другите издавачи дека јавниот пазар е одржлив извор за финансирање за соларни панели“, рече тој.
„Енпал“, компанијата што е поддржана од „Софтбанк“ (SoftBank Group Corp.), веќе оствари успех со приватни зделки. Минатата година германската фирма собра 356 милиони евра должнички обврски од „Ситигруп“ (Citigroup Inc.) и „Ем енд Џи“ (M&G Plc) за резиденцијален соларен производ во форма на хартија од вредност.
Компанијата со седиште во Берлин е основана во 2017 година и им обезбедува на сопствениците на куќи системи за обновлива енергија, како соларни панели, складирање батерии и станици за полнење електрични автомобили, заедно со финансиска понуда што однапред ги покрива трошоците за инсталација. Таа компанија е најголемиот снабдувач на соларни решенија за сопствениците на куќи во Европа, со повеќе од 80.000 клиенти, вели нашиот извор. Според последниот годишен извештај, продажбата надмина 900 милиони евра во 2023 година.
Компанијата претходно годинава собра банкарски обврски во вредност од 1,1 милијарда евра од „Барклис“ (Barclays Plc), „Банката на Америка“ (Bank of America), „Кредит агрикол“ (Credit Agricole CIB) и пензискиот фонд „Си-пи-пи инвестментс“ (CPP Investments) за финансирање заеми на сопственици на куќи за соларни панели и топлински пумпи, отворајќи го патот за маркетинг на овие хартии од вредност до пошироката база на инвеститори.
Според информираното лице, заемите со вредност во висина од 240 милиони евра во портфолиото на „Голден реј 1“ имаат просечен преостанат рок за отплата од 24,6 години.
