Рекордна продажба на обврзници во Европа: Купувачите начекаа високи приноси

Европските влади побрзаа да позајмуваат пари неделава, привлекувајќи рекордна побарувачка од глобалните инвеститори што сакаат да обезбедат обврзници со солидни приноси додека сè уште можат.

Централните банки и фондовите од Блискиот Исток и Азија се среќни да им позајмуваат на Шпанија, Италија и на Белгија. Глобално, парите како средство буквално ги зграпчуваат понудените приноси, затоа што очекуваните намалувања на каматните стапки во текот на годинава најверојатно ќе ги спуштат.

Тоа е охрабрувачки знак за европските нации, кои рано започнуваат со финансирање на буџетите за 2024 година, во време кога централната банка на регионот од поддржување на пазарот на обврзници како главен купувач се претвори во продавач. За инвеститорите, Европа конечно нуди прозорец со пристојни приноси по годините на стапки под нулата, кои многумина ги држеа настрана.

„Меѓународните купувачи, особено Јапонија и кинеските инвеститори, купуваат многу помалку американски трезорски записи отколку порано и повеќе ги диверзифицираат своите акции во Европа“, рече Рафаел Туин, шеф на стратегии за пазарот на капитал во „Тикеахау капитал“' (Tikehau Capital), кој управува со 42 милијарди евра. „Тоа ги вклучува и централните банки и пензиските фондови“, рече тој.

Bloomberg Mercury

Задолжувањето од владите преку банките неделава надмина 41 милијарда евра (45 милијарди долари), што е највисоко ниво на сите времиња, и доведе до рекордна вкупна продажба на европски обврзници на повеќе од 120 милијарди евра неделава, според податоците собрани од „Блумберг“. Додека јануари вообичаено гледа силна побарувачка, анализата на книгите за нарачки укажува на подлабок апетит од Азија и Блискиот Исток.

Земете ја Белгија, на пример. Нарачките за нејзините десетгодишни обврзници беа повеќе од 10 пати над понудените 7 милијарди евра, а речиси една петтина отиде во региони надвор од Европа, во споредба со околу една десеттина во слична продажба пред две години.

Што се однесува на долгот на високооценетите суверени нации во еврозоната, уделот на странските инвеститори падна на околу една четвртина на крајот на 2022 година, што е намалување од речиси половина во 2014 година, според бројките на Европската централна банка (ЕЦБ). Тоа покажува дека потенцијалниот прилив на готовина што се враќа од инвеститорите надвор од Европа е огромен.

Bloomberg Mercury

Анализата на стратезите на Банката на Америка (Bank of America Corp.) имплицира дека дури 7 трилиони евра би можеле да се влеат во средствата со фиксен приход во еврозоната во наредните години. Тие укажаа на стапките на депозитите на ЕЦБ, кои се рекордни 4 отсто.

„Ова го поддржува нашиот став дека понудата за 2024 година, дури и ако е поголема од 2023 година, може добро да се апсорбира“, напишаа во белешката стратезите на Банката на Америка, Ерјон Сатко и Сфиа Салим. Нивото на побарувачка за овонеделните зделки „сугерира особено здрава побарувачка“.

Стабилно евро

Приливите на европскиот пазар со фиксен приход може да ги отстрани фундаменталното одложување на единствената валута во регионот, која се врати од под паритет со доларот кон крајот на 2022 година на околу 1,0970 американски долари во моментов. Аналитичарите во истражувањето на „Блумберг“ сметаат дека еврото дополнително ќе се зголеми до 1,12 долар до крајот на годината.

„Еврото уште еднаш јасно се гледа како стабилно. Особено од азиските и блискоисточните инвеститори, не постои ризик од рединоминација да се цени на ист начин како што беше помеѓу 2010 и, на пример, 2016 или 2017 година“, рече Фредерик Дукрозе, раководител на макроистражување во „Пиктет велт менаџмент“ (Pictet Wealth Management.) „Тоа веќе не е тема на разговор. Не можете да ја отфрлите можноста за идни кризи, но дури и популистите во Италија, Франција и на други места играат според европските правила. Значи, ова е позитивно за привлекување инвестиции во државните обврзници“.