.webp){kind=icon}
Германските резреви со гас можеби ќе се пополнат побрзо од нормалното, но земјата и натаму ќе се бори за да има доволно гас за претстојната зима.
Дури и ако складиштата за гас бидат 95 отсто пополнети до ноември, што е цел на државата, тоа ќе го покрие греењето и индустриската потрошувачка за околу два и пол месеци, во случај Русија целосно да ја сопре испораката на гас, вели Клаус Милер, претседател на државниот енергетски регулатор. Во моментов резервите се на ниво од 77 отсто, што е две недели пред распоредот.
„Малку сме побрзи кога се работи за полнењето на залихите, но тоа не е значи дека треба да се олабавиме“, изјави Милер. „Тоа треба да ни биде поттик да продолжиме да работиме“.
Германија, силно зависна од рускиот гас, е во трка да ги наполни складиштата откако Москва драстично ги намали испораките преку гасоводот Северен Тек, предизвикувајќи ја најтешката енергетска криза во Европа со децении, а која има изгледи да потрае и догодина. Владата побара да се намали потрошувачката, повикувајќи на рационално трошење.
Ако есента биде постудена од вообичаено и ако има нови прекини во снабдувањето, владината цел складиштата до октомври да бидат полни до ниво од 85 отсто од капацитетите ќе биде предизвик, а целта за пополнетост до 95 отсто до номеври тешко дека ќе биде постигната затоа што некои од резервоарите се полнат подолго време, објаснува Милер.
„Не можам да ветам дека сите складишта ќе бидат 95 отсто полни до ноември дури и ако имаме добри испораки и добра потрошувачка, но како и да е три четвртини ќе бидат пополнети според целите“, вели Милер.
Моменталните руски испораки на гас преку Северен тек се со 20 отсто од капацитетот на гасоводот што за Германија е знак дека Москва може во секое време целосно да до сопре дотокот заради европските санкции кон Русија.
Регулаторот бара начини како индустриите кои се сметаат за основни за економијата да добијат приоритет при снабдувањето. Но, не треба да се очекува дека регулаторот ќе може да направи фиксен распоред кои компании да ги исклучи ако има криза.
„Се уште не знаеме како ќе се развива кризата. Не можеме да гарантираме дека некои потрошувачи ќе бидат исклучени пред други. Ние сме транспарентни, но знам дека тие вести не се доволни“, вели Милер.
