Инфлацијата во ЕУ се доближи до 10 отсто

Годишната стапка на инфлација во Европска Унија, мерена преку хармонизираниот индекс на потрошувачките цени, во јули стигна со 9,8 отсто, објави денеска ЕУРОСТАТ. Новиот податок значи дополнително забрзување на растот на цените откако во јуни стапката на инфлација изнесуваше 9,6 отсто, а лани во јули само 2,1 отсто.

Аналитичките податоци покажуваат дека најголем придонес кон растот на инфлацијата имаат цените на енергијата, па храната, пијалоците и тутунот. Во споредба со јуни, годишната инфлација се намалила во шест држави, членки на Унијата, останала на исто ниво во три, а се зголемила во 18 земји, наведува Еуростат.

Меѓу членките на ЕУ најголем раст бележат балтичките држави – Естонија, Литванија и Латвија. Во Естонија инфлацијата уште во мај го надмина нивото од 20 отсто, а во јули се измерени 23,2. Во Латвија изнесувала 21,3, а во Литванија 20,9 отсто.

Најниска стапка на инфлација имаат Франција и Малта – 6,8 отсто. Во Европа пак, цените најбавно растат во Швајцарија и инфлацијата таму во јули изнесувала 3,3 отсто.

Во еврозоната стапката на инфлација изнесува 8,9 отсто, а во јуни изнесуваше 8,6.

 

Во моментов нема коментари за веста. Биди прв да коментира...

Остави коментар