Шпанија продолжува со планот за намалување на работната недела на 37,5 часа

Шпанската Влада продолжува со реализација на планот за намалување на работната недела. Кабинетот ќе го разгледа проектот утре, изјави денеска премиерот Педро Санчез во говор за време на бизнис настан во Барселона. Проектите најчесто се одобруваат од кабинетот, а потоа се испраќаат до Парламентот.

Предлог-законот ќе се соочи со долг процес на одобрување во Парламентот, каде што е далеку од сигурно дека ќе има доволна поддршка од пратениците. Санчез се потпира на мешавина од сојузници, меѓу кои се неколку левоориентирани партии, кои се отворени за пократка работна недела, но и две про-бизнис групи.

Еден од поранешните сојузници на Санчез во парламентот, про-каталонската сепаратистичка група Хунтс, постојано сигнализираше дека не е за намалување на бројот на работни часови неделно од сегашните 40 на 37,5.

Проектот луѓето да работат помалку е идеја на Јоланда Дијаз, министерката за труд која го предводи помладиот коалициски партнер Сумар. Првичниот нацрт на проектот на Дијаз беше дискутиран за прв пат од страна на кабинетот во февруари.

Во моментов нема коментари за веста. Биди прв да коментира...

Остави коментар