Европската унија планира да преземе итни мерки за да ги намали растечките цени на енергенсите, информира денеска претседателката на Европската Комисјата Урсула фон дер Лајен.
„Исклучително високите цени на енергенсите ги откриваат ограничувањата на пазарот затоа сега работиме на итна интервенција и структурна реформа на пазарот на енергија“, рече Фон дер Лајен на бледскиот самит во Словенија.
Цените на струјата кои се на десетгодишен рекорд и влијаат на инфлацијата и ги зголемуваат економските потешкотии на бизнисите и домаќинствата кои се опоравуваат од пандемијата.
Се повеќе земји бараат ограничување на цените, и Чешка која е претседавач со ЕУ, планира вонреден состанок на министрите за енергетика на 09 септември.
Плановите за итна интервенција се уште се во подготовка, а подетален план може да се очекува кон крајот н аоваа недела,
Со намалување на испораките на гас од Русија расте и притисокот врз ЕУ челниците да делуваат брзо. Чешкиот премиер Петр Фиала бара поддршка за неговиот план за ограничување на цени и планира за евентуатлните лимити да разговара со германскиот канцелар Олаф Шолц.
„Високите цени се проблем на цела Еврпа и мораме да го решаваме на европско ниво“, напиша тој на Твитер. „Во пресрет на состанокот за енергетскиот совет сакаме да најдеме заеднички начин да им помогнеме на луѓето и бизнисите“.
Членките на ЕУ веќе обезбедија 280 милијарди евра за мерки преку намалување на даноци и други давачки за да го намалат притисокот врз бизнисите и домаќинствата. Владите исто така, почнаа и со ограничување на употребата на енергија, исклучувајќи го надворешното осветлување и лимитирајќи ги внатрешните температури за да можат да заштедат околу 15 отсто од потрошувачката на гас.
Во саботата белгискиот премиер предупреди дека Европа не може веќе да го решава проблемот со високите цени преку намалување на даноците и повика да се ограничат цените. Ако Унијата не успее да постигне договор, Белгија ќе размисли за национални мерки, рече тој во телевизиско интервју.
Франција минатата недела реагираше скептично на идејата за ограничување на цените, со образложение дека нејзината ситуација е различна од другите европски змеји заради владините мерки за заштита од инфлацијата.
.webp){kind=icon}
