text size
Француските пазари забележаа остар пад по ненадејната оставка на премиерот Себастијан Лекорну, додека инвеститорите шпекулираат дека нови избори се неизбежни за решавање на политичката криза.
Француските државни обврзници паднаа, при што приносот на десетгодишните се зголеми за 11 базични поени – на 3,61 отсто. Премијата што инвеститорите ја бараат за да го задржат францускиот долг над германскиот сега е на највисоко ниво годинава. Индексот CAC 40 се намали за 2 отсто, при што најголем удар претрпеа банките. Еврото ослабе за 0,7 отсто во однос на доларот.
Оставката претставува ново поглавје во долгата политичка криза во Франција, која досега предизвика пад на неколку премиери и турбуленции на националните пазари. Главниот проблем со кој се соочуваат сите досегашни премиери е усвојувањето буџет во длабоко поделен парламент што бара непопуларни кратења на трошоците и зголемување на даноците за да се ограничи најголемиот дефицит во еврозоната.
Прочитај повеќе
Лагард: Претседателството на Франција е „ужасна работа“ – не е за мене
Кристин Лагард јавно ги отфрли шпекулациите дека по заминувањето од Европската централна банка ќе се кандидира за претседател на Франција, велејќи дека тоа е „ужасна работа“.
06.10.2025
Инфлацијата во Франција забрзува, но е далеку од нивото на ЕЦБ
Инфлацијата во Франција порасна на 1,1 отсто во септември поради услугите и енергентите, но останува ниска, во сенка на политичката криза и јавниот долг.
30.09.2025
Приватниот сектор во еврозоната со најбрз раст во последниве 16 месеци
Приватниот сектор во еврозоната во септември забележа најсилен раст за 16 месеци, откако германските услуги го надоместија падот на активноста во Франција.
23.09.2025
Пикети: Данок на богатство од 2 отсто е „апсолутен минимум“ за Франција
Францускиот економист Томас Пикети вели дека данок на богатство од 2 отсто е неопходен, но недоволен за справување со јавниот долг и буџетскиот дефицит.
23.09.2025
„Оставката ја турка Франција кон непознато“, изјави Луиџи Бутиљоне, основач на консултантската фирма „ЛБ Макро“ (LB Macro).
„Француската економија веројатно ќе биде погодена од ново губење на довербата кај бизнис-секторот, што ќе влијае врз економската активност низ целата Европска Унија, имајќи ја предвид улогата на Франција.“
Француските обврзници ја губат привлечноста
Ризичната премија на Франција скокна на највисоко ниво годинава по оставката на премиерот Лекорну
Bloomberg
Оставката на Лекорну следуваше по одлуката на претседателот Емануел Макрон, кој во неделата именуваше речиси непроменет владин состав – потег што веднаш предизвика реакции и од опозицијата и од дел од неговите поддржувачи.
Кредитниот рејтинг на земјата беше намален двапати откако Лекорну ја презеде функцијата. Агенцијата „Мудис“ (Moody’s) ѝ доделува на Франција рејтинг Aa3 со стабилна прогноза, а следната ревизија е закажана за 24 октомври. „Стандард и Пурс“ (S&P) има процена AA- со негативна прогноза пред следниот преглед на 28 ноември.
Што велат аналитичарите на „Блумберг“
„Француските државни обврзници веројатно ќе продолжат да паѓаат, бидејќи уште еден премиер подлегна на недостигот од политичка волја за справување со дефицитот, што ја зголемува можноста за нови избори за да се надмине политичкиот ќор-сокак“, вели Конор Купер од „Макро Сквок“ (Macro Squawk).
Индексот на „Барклис“ (Barclays Plc) што ги следи акциите на компании со повеќе од 30 отсто приходи во Франција падна за 3,8 отсто. Акциите на банките „Сосиете женерал“ (Societe Generale SA), „Кредит Агрикол“ (Credit Agricole SA) и „БНП Париба“ (BNP Paribas SA) се намалија за повеќе од 5 отсто.
„Тешко можам да замислам како Франција ќе избегне избори со ваков парламент без јасен мандат“, изјави Џордан Рочестер, раководител на стратегијата за макроекономија во регионот ЕМЕА при „Мизухо“ (Mizuho).
.webp){kind=icon}
