Покојната Кралица Елизабета Втора несомнено со големи букви ќе биде запишана во историските книги, а значаен беше и нејзиниот придонес во економијата на Велика Британија. Извесно време по колапсот на Леман Брадрс (Lehman Brothers), кралицата се состана со академиците. Им поставила едноставно прашање: „Како никој не можеше да предвиди таков колапс?“. Тоа прашање, поставено од кралицата, не ги мачеше само жителите на Обединетото Кралство, туку и целиот свет.
Во време на нејзиното заминување економијата е во проблеми, како што беше и повеќе пати во текот на нејзиното владеење. Таа беше на чело на монархијата низ многу просперитетни години, но исто така и низ многу кризи, трговски војни, нафтени шокови и на крајот финансиската криза што го потресе светот пред петнаесетина години.
Сегашната состојба, кога Англија се соочува со висока стапка на инфлација од над 10 отсто, во многу параметри потсетува на економската ситуација од 1952, годината кога кралицата Елизабета Втора ја презеде монархијата. Од друга страна, денес економијата на островот е речиси непрепознатлива, бидејќи за тие 70 години доживеа раст од многу големи размери.
Прочитај повеќе
Кралот Чарлс III е најстар наследник на тронот во историјата
Почнува 10 дневниот период на жалост во Велика Британија.
08.09.2022
Кога кралицата го започна своето владеење, во Англија уште постоеше ограничување на продажбата на одредени месни и млечни производи бидејќи економијата уште заздравуваше од последиците од Втората светска војна. Во тоа време Британската економија беше пет пати помала од денес.
Денес кралот Чарлс Трети, презема држава во која економијата се темели на услуги, а производството и трговијата повеќе не се толку важни како што беа во 1952 година. Најдобар пример за напредокот што Британија го постигна во последните седум децении е пазарот на недвижнини.
Просечната цена на куќите од 50-тите години од минатиот век била околу 2.000 фунти, што во денешно време би значело околу 60.000 фунти. Но, денес просечната цена на недвижнините во Велика Британија изнесува рекордни 274.000 фунти.
Кралското семејство носи 1,7 милијарди долари годишно
За економскиот напредок придонесе и кралицата и целото кралско семејство. Поради нејзината голема популарност и препознатливост во светот, околу култот на кралицата се создаде цела индустрија, која што годишно придонесува со 1,7 милијарди долари бруто износ во британскиот БДП.
Но, колку британската јавност ја чини одржувањето на кралското семејство? Околу 4,5 фунти годишно по глава на жител, односно 290 милиони фунти. Но, за Британците одржувањето на монархијата не е само традиција, туку и бизнис.
.webp){kind=icon}
Во моментов нема коментари за веста. Биди прв да коментира...