Британската економија закрепнува побавно од очекувањата

Британската економија закрешнува побавно од очекувањата од падот во јуни кога се намалија и индустриското производство и градежништото заради дополнителниот неработен ден во текот на тој месец.

Растот од 0,2 отсто дојде под падот од 0,6 отсто во јуни, кога на БДП  влијаеше дополнителниот неработен ден кога се одбележуваше јубилејот на кралицата, објави денеска државата статситсика. Економистите очекуваа раст од 0,3 отсто

Смртта на кралицата и уште еден неработен ден заради нејзиниот погреб на 19 септември, можеби ќе бидат доволни за земјата да влезе во рецесија во тековниот квартал, велат аналитичарите од Номура и Дојче банк. Потрошувачите и бизнисите се борат со инфлацијата и високите сметки за енергија и покрај мерките на премиерката Трас за замрзнување на натамошниот раст на цените на гасот и струјата.

„Тоа е поврзано со лошите прогнози за британската економија која може да влезе во блага рецесија до крајот на годината за која причина е намалената потрошувачка на домаќинствата и зголемените трошоци за бизнисите“, вели главниот економист на КПМГ.

Растот во јули беше предводен од информациско – комуникацискиот сектор и услугите насочени кон потрошувачите кои пораснаа за 0,6 отсто. Индустриското произвидство во јули падна за 0,3, а градежништвото за 0,8 отсто, што е втор последователен пад на двата сектори.

Прогнозите за до крајот на третиот квартал се мрачни, клучните податоци покажуваат намалување на активноста во приватниот сектор во август. Веќе беше предвидено дека летото ќе донесе стагнација, но смртта на кралицата значи дека економијата може да падна и во следниот кваратал

Што велат економистите на Блумберг...

„Постои ризик Велика Британија да влезе во техничка рецесија во третиот квартал – земјата жали по смртта на  Кралицата Елизабета Втора со уште еден дополнителен неработен ден во септември. Позначајно е дека сметаме оти владината поддршка за енергетските трошоци во висина од 150 милијарди значи дека рецесијата нема да продолжи преку зимата“, велат--Dan Hanson and Ana Luis Andrade.

Замрзнувањето на цените на енергенсите од октомври кое го објави премиерката Трас минатата недела ќе ја намали инфлацијата и може да биде доволен за да го спречи паѓањето во рецесија годинава. Како и да е, мутлимилијардескиот пакет ќе ја принуди Банката на Англија подолго време да ги држи каматите на повисоко ниво што може да доведе до затегнање следната година.

Раст на каматите

Инвеститорите предвидуваат зголемување на каматите за половина поен, а можеби и повеќе на 22 септември, а референтната камата да стигне до 4,5 отсто до средината на следната година во споредба со сегашните 1,75 отсто.

Одделни податоци покажуваат дека британскиот трговски дефицит за три месеци, до јули, остана близу 27 милијарди фунти. Тоа е мало подобрување во однос на рекордните 27,9 милијарди во второто тромесечие и се случи благодарение на силниот извоз на гориво, машини и транспортна опрема во Европската Унија.

Вкупниот извоз порасна за 2,1 милијарди фунти во јули, вклучувајќи 1,3 милијарди во ЕУ, додека увозот е намален за 500 милиони фунти. Обединетото Кралство извезуваше нафта и гас во Холандија и Франција за време на енергетската криза.

На пазарот постои загриженост дека со трговски дефицит на рекордно ниво, Велика Британија се соочува со криза во платниот биланс. Фунтата годинава падна за 15 отсто. 

Во моментов нема коментари за веста. Биди прв да коментира...

Остави коментар