Владата ги следи последните поскапувања и најавува засилени контроли на трговците. Вицепремиерот Фатмир Битиќи вели дека нелогично е што дел од производите поскапеле за 20 отсто во рок од 24 часа.
Според него, дел од трговците се служат со манипулации и за таквата појава да се елиминира мора да интервенираат инспекциските служби.
„Со особен интерес ги следиме цените во последните три дена на слободниот пазар и има некоректно, неетичко и неморално однесување на одредени компании кон зголемувањето на цените, што ќе наиде на одговор на институциите. Не може цената да порасне за 24 часа за 20 отсто, кога производствената цена не пораснала за 20 отсто во тие 24 часа. Тоа е една одредена манипулација кон нашите граѓани и затоа соодветно ќе реагираат инспекциските служби од кои очекувам извештај“, реагира Битиќи.
Тој најавува и нов пакет антикризни мерки, но тие нема да бидат сеопфатни, туку таргетирани на најзагрозените компании и целни групи, вели вицепремиерот задолжн за економски прашања.
„Ние како влада предвидовме антикризни мерки за околу 73 милиони евра и веќе ги правиме сите анализи“, вели Битиќи и додава дека новиот пакет мерки ќе следи веднаш по донесувањето на ребалансот на буџетот кој е веќе доставен до Собранието.
На ценовниот шок од неделава реагира и опозицијата, велат дека се должи на неспособноста на Владата.
„Фрапантно е одбивањето на владата да го прифати предлогот на ВМРО-ДПМНЕ за замрзнување на цените на основните производи до крајот на оваа година и помошта околу намалување на цената на горивата преку откажување на владата од дел од акцизата.Тоа значи дека владата заработува на грбот на граѓаните додека народот се осиромашува. Прашањето е каде одат парите кои се земаат од граѓаните. Одговорот може да го добиеме и од последниот ребаланс на буџетот каде се зголемуваат непродуктивните трошења, удобноста на министрите, луксузирањето, додека народот живее на рати“, вели Ивица Томовски, член на Централниот одбор на ВМРО ДПМНЕ.
Земјава се соочува со ценовен шок од 01 јуни откако престанаа со важност мерките на Владата донесени во март. Тие мерки предвидуваа, меѓудругото, 0 отсто ДДВ за основните прехранбени производи, продажба на овие производи по производна цена, односно без маржа за трговците како и намален ДДВ од 18 на 10 отсто за нафтените деривати. Прозводите кои беа под мерките по нивното укинување драстично поскапеа. Лебот, зависно од производители поскапе за дестина денари, маслото за јасење и до 30 денари, а горивата за 12 денари по литар.
.webp){kind=icon}
Во моментов нема коментари за веста. Биди прв да коментира...