Рекордно ниска невработеност регистрира Заводот за статистика во првиот квартал од оваа година. Таа изнесува 14.8 отсто или како невработените се евидентирани вкупно 119 699 лица. Во однос на истиот период лани стапката на невработеност се намали од 16 на 14,8 отсто.
Од вкупниот број на невработени 75 658 се мажи, а 44 041 се жени. Највисока стапка на невработеност има кај младите лица до 24 години, таа изнесува 34,8 отсто, а кај лицата кои се во најпродуктивната возраст за работа или од 25 до 49 години невработноста изнесува 14,5 проценти.
Рекордно ниска невработеност бележи и европската статистика во првото тромесечие од оваа година.
Стапката на невработеност во Европската унија во април се задржа на 6,2 отсто Според Евростат, април е трет месец по ред во кој невработеноста е на исто ниво и и натаму е најниска од 2000 година наваму.
Непосредно пред пандемијата, во март 2020, невработеноста во ЕУ се намали на 6,5 отсто, а потоа драстично се зголеми. Под тие 6,5 отсто повторно се спушти дури кон крајот на минатата година.
Во последните 25 години стапката на невработеност во ЕУ се движеше меѓу 8 и 10 отсто, а во текот на глобалната криза, во периодот од 2008 и 2009 година се доближи и до 12 отсто.
Најновите податоци на Евростат покажуваат дека во рамки на Унијата најниска невработеност има во Чешка (2,4 отсто), на Германија и Полска (3 отсто). Највисоки стапки на невработеност имаат Шпанија, 13,3 отсто и Грција 12,7 отсто.
Рекодно ниска невработеност, најниска во псоледните 47 години има и во Велика Британија. Според податоците, во првиот квартал неврабоеноста се спуштила на 3,7 отсто и сега за прв пат по 1974 година бројот на невработени е помал од бројот на слободни работни места.
Но, и покрај ниската невработеност, статистиката покажува дека платите заостануваат заради инфлацијата. Растечките трошоци на живот проидонесоа вредноста на платите да се намали за 2,9 отсто.
.webp){kind=icon}
