Стапката на инфлација во Македонија во јануари изнесуваше 17,1 проценти, што повторно ја става нашата земја на врвот на листата европски земји рангирани по зголемување на трошоците на животот. Затоа, в понеделник прашуваме зошто е толку тешко да се забави инфлацијата во Македонија ако се земе предвид дека Народната банка веќе подолг период ја затегнува монетарната политика, а Владата воведе субвенционирана струја за производителите на основните прехранбени производи. Истиот ден, нашиот аналитички тим ќе даде поширока слика за инфлациските трендови во регионот Адрија.
Следната недела откриваме дека главните причини за големата задолженост на локалната самоуправа се апсурдните решенија за наплата на даноците, кои ги оневозможуваат општините во наплатата. Дознавме дека парите не стигнуваат до касите на локалните власти поради застареност на Законот за даноците на имот, кој влече решенија од СФР Југославија, но и поради нееднаквиот третман на општинската даночна администрација во однос на државната даночна администрација.
Во услови на континуиран и значителен пораст на цените на недвижностите во текот на минатата година, ќе разгледаме каква е понудата на пазарот односно каков стан може да се купи за 100.000 евра.
Македонија го одложи издавањето на новата еврообврзница поради технички пречки предизвикани од реконструкцијата на Владата. Ќе анализираме какви се трендовите кај обврзниците од аспект на приносите и дали владината грешка може да го поскапи новото задолжување на државата на меѓународниот пазар.
Ќе можете да прочитате и колку е реално водородот да стане замена на фосилните горива, каква е опасноста од сајбер-напади, како и за најновите движења на светските берзи и пазарите на капитал.
.webp){kind=icon}
Во моментов нема коментари за веста. Биди прв да коментира...