text size
Како работат автокуќите во Македонија и во регионот Адрија истражуваше во изминатиов период аналитичкиот тим на „Блумберг Адрија“, а неговите наоди ќе ги објавиме во регионалната анализа в понеделник следната недела. Истиот ден ќе можете да прочитате и дали се отвора можност македонските граѓани да дојдат до поевтини употребувани возила од Германија, откако некои региони во оваа земја најавија целосна забрана за одредени категории дизел-возила.
Ќе анализираме и дали намалувањето на цената на горивата може да доведе до повторно подгревање на инфлацијата преку зголемена потрошувачка, односно дали Македонија е веќе влезена во инфлаторна спирала од која многу тешко ќе излезе.
Средата е одвоена за индустриското производство. Нашиот аналитички тим подготви анализа на трендовите во индустријата во земјите од регионот Адрија, а тоа ќе биде дополнето со сумарен преглед на резултатите од работењето на индустриските великани во Македонија во 2022 година.
Во текот на неделата ќе се позанимаваме и со практиката за откуп на сопствени акции од страна на акционерските друштва и ќе дадеме објаснување зошто голем број компании редовно купуваат свои акции. Ќе видиме и како работеа компаниите од берзата во минатата година и дали некои од нив би можеле да бидат опфатени со новиот данок на солидарност.
Македонија веќе се соочува со недостиг од работна сила и во таа насока ќе прашаме како би можеле бегалците да се вклучат во работниот процес во земјава, особено ако се земе предвид дека законската регулатива сега не овозможува ангажирање на овие лица.
.webp){kind=icon}
