.webp){kind=icon}
Инфлацијата забавува, но тоа нема да биде причина за Европската централна банка да забави со затегнувањето на монетарната политика, затоа што претседателката на ЕЦБ не гледа јасни докази дека се намалува базичната инфлација. Конгресот во САД ја заврши работата, останува Сенатот да го верификува договорот за долгот и земјата да се врати во нормала.
Добро утро. Ова се најважните пет вести што за овој неработен ден „Блумберг Адрија“ ги одбра за вас.
Инфлацијата забавува
Потрошувачките цени, кои не ги вклучуваат храната и горивото, во мај пораснаа за 5,3 проценти на годишно ниво, што е намалување од април, кога порастот беше 5,6 проценти, и е помалку од просечната процена на аналитичарите на „Блумберг“, кои предвидуваа базична инфлација од 5,5 отсто. Сепак, претседателката на ЕЦБ, Кристин Лагард, најави дополнително покачување на каматните стапки.
Приказни од криптозима
И покрај измамите, постојаните хакерски напади и падот на пазарот, сè уште има надеж за криптото. Според некои процени, кои се нарекуваат План Б, до 2028 година биткоинот ќе вреди меѓу 100.000 и еден милион долари, а вештачката интелигенција ќе ја открие вистинската намена на криптовалутите.
Серија А со многу пари ќе ја враќа старата слава
Генералниот директор Луиџи де Сиерво тврди дека италијанскиот фудбал може да го врати својот поранешен сјај, дури и без директно вложување капитал од инвестициските фондови. Тие имаат цел да ги зголемат приходите од ТВ-правата на најмалку 1,55 милијарда евра (1,7 милијарда долари) годишно, во споредба со помалку од 1,25 милијарда евра остварени оваа година.
Договорот за американскиот долг оди пред Сенатот
„Мислам дека работите се одвиваат според планираното“, им рече Бајден на новинарите во Белата куќа, пред да замине за Колорадо. Работите тргнаа откако беше постигнат договорот за плафонот на долгот минатиот викенд, а вчера тој помина во Конгресот. Сега останува уште Сенатот да ги одобри, и тоа пред 5 јуни, за да не бидат нарушени плаќањата.
Следиме – цената на нафтата расте
Цената на нафтата порасна, бидејќи напредокот во договорот за долгот на САД и зголемувањето на фабричката активност во Кина ја засенија постојаната загриженост за изгледите за побарувачката.
„Поширокото макроопкружување навистина го поттикнува расположението. Сè што дава трошка надеж дека побарувачката можеби нема да биде толку слаба како што се очекува, ќе се смета за позитивно“, рече Даниел Хајнс, висок стратег за стоки во АНЗ (ANZ Group Holdings Ltd).
