Годишен реален раст на трговијата на мало од 3,7 проценти во јуни измери Државниот завод за статистика во јуни годинава. Со тоа е заокружена статистиката за вториот квартал од оваа година, која укажува на просечно годишно намалување од еден процент. Аналитичкиот тим на „Блумберг Адрија“ ги анализира досегашните трендови и навлегува во извесните очекувања за реалниот промет во трговијата во следниот период.
Ова е прво намалување од третиот квартал на 2022 година (-0,5 проценти) и првенствено е последица на падот на реалниот промет во трговијата на мало со непрехранбени производи (освен гориво) за 1,1 годишно.
„Од средината на минатата година вкупниот промет во малопродажбата е под притисок на високите годишни стапки на инфлација, што значително влијае на потрошувачките навики“, вели Иван Одрчиќ, водечки аналитичар за финансиски пазари во „Блумберг Адрија“. „Годинава исто така се забележува тренд на зголемување на каматните стапки на потрошувачките, но и на другите кредити, поттикнато пред сè од мерките за монетарно заострување, кои значително влијаат на целокупното ниво на потрошувачка и, исто толку важно, на расположението на потрошувачите.
Иван Одрчиќ/ Блумберг Адрија
Пазар на труд и плати
Од друга страна, Одрчиќ анализира дека пазарот на трудот покажува издржливост, а платите во четвртиот и петтиот месец од 2023 година забележаа годишен раст над вкупната стапка на инфлација, иако во првиот квартал годинава тие паднаа реално на годишна основа. „Ова е тренд што го очекуваме и во втората половина од 2023 година, кога постепено треба да ублажува и инфлацијата, што секако треба да резултира со подобри показатели во малопродажниот сектор и, на крајот, во личната потрошувачка како значајна компонента на бруто-домашниот производ (БДП)“, додава Одрчиќ.
Поголем раст на БДП
Според анализата, дополнителен позитивен фактор се очекува и од приливот на дознаки од странство, со оглед на подобрувањата на економиите во западните земји каде што е поприсутна македонската дијаспора, како што се очекува сега. „Дополнително, бидејќи странската побарувачка се покажа како поотпорна во тековниот дел од годината отколку што предвидувавме (извозот на стоки во првите пет месеци се зголеми за 6 проценти на годишно ниво, додека увозот се намали за 7,5 отсто во исто време, така што стапката на покриеност достигна 77, 2 отсто), очекуваме малку побрз раст на реалниот БДП оваа година во споредба со нашите очекувања во текот на зимата (+1,9 отсто наспроти +1,1 проценти во мартовскиот квартален извештај).
.webp){kind=icon}
