Ќе се зголеми ли цената на природниот гас во Македонија е прашање кое се наметнува откако Бугарија воведе данок на рускиот природен гас, кој транзитира низ нејзината територија. Со новиот предлог-закон, кој беше објавен во петокот (13 октомври) и кој стапува во сила веднаш, Бугарија воведува наплата од 20 бугарски лева (10,76 американски долари) по мегават час гас од руско потекло. Тоа е околу 20 проценти од цената на европскиот репер гас со кој се тргува во регионалниот центар Амстердам.
Иако Бугарија не увезува гас од Русија за свои потреби, таа е значајна рута за намалениот проток на руски гас што се испраќа во Европа. Македонија целокупното количество природен гас го увезува од Русија, преку гасоводниот систем на Бугарија. „Блумберг Адрија“ веќе пишуваше дека нашата земја е меѓу трите во Европа кои се сто проценти зависни од рускиот гас.
Овој потег на Бугарија додава нова несигурност на веќе растреперениот пазар. Цените на гасот во Европа се зголемија во последниве денови бидејќи се зголемуваат заканите за протокот на гас низ целиот свет, вклучувајќи ја и војната меѓу Израел и Хамас, потенцијалните удари врз клучните извозни погони во Австралија и ранливоста на инфраструктурата по неодамнешното истекување на гасоводот во Балтичкото Море, каде што постои сомневање за саботажа.
Прочитај повеќе
ББА-анализа: Како ќе се движат цените на гасот во текот на зимата?
Природниот гас учествува во 25 отсто во вкупната потрошувачка на енергенти во ЕУ.
13.10.2023
Бавно оди диверзификацијата на снабдувањето со гас
Интерконекторот кон Грција, за кој се разговара од 2016 година, сè уште не почнал да се гради.
14.08.2023
ЕК распиша тендер за заедничка набавка на гас
Количеството на гас кое се бара на овој втор сеевропски тендер е за 11,6 милиони кубни метри поголемо од она од првиот
08.07.2023
Руската компанија „Гаспром“ престана да го снабдува домашниот пазар на Бугарија минатата година, откако земјата одби да плати во рубли за горивото и се префрли на алтернативни добавувачи, вклучително и Турција. Минатиот месец бугарските пратеници го одобрија предлогот за постепено прекинување на увозот на руска сурова нафта, со што земјата ќе се усогласи со другите членки на Европската унија.
Унгарскиот министер за надворешни работи Петер Сијарто, чија земја зема голем дел од транзитираниот гас, брзо го критикуваше потегот како „неприфатлив“.
„Земјата членка на Европската унија да се заканува со снабдувањето со гас на друга членка на ЕУ е спротивно на европската солидарност, правила и е неприфатливо“, рече Сијарто во петокот од Москва, каде што присуствуваше на енергетска конференција.
Предлог-законот има за цел да ги спроведе санкциите на ЕУ кон Русија воведени како одговор на нејзината инвазија на Украина.
.webp){kind=icon}
