Во Македонија инфлација од 3,1 проценти во ноември

Индексот на трошоците на животот во ноември 2023 година, во однос на ноември 2022 година, бележи зголемување од 3,1 проценти, а индексот на цените на мало бележи зголемување од 3,4 проценти, соопшти Државниот завод за статистика.

Во однос на претходниот месец, трошоците на животот бележат зголемување од 0,1 процент, а цените на мало зголемување од 0,2 проценти.

Пораст на индексите на трошоците на животот во ноември 2023 година, во споредба со претходниот месец, е забележан кај виното и цигарите за 5,1 проценти, пивото за 2,4 проценти, свежиот и разладениот зеленчук, освен компирите и другите коренести плодови за 2,3 проценти, жестоките пијалаци за 1,1 процент, минералната вода, газираните пијалаци, соковите од овошје и зеленчук за 0,4 проценти, маслото и маснотиите за 0,2 проценти.

Во ноември, исто така, пораст на индексите на трошоците на животот е забележан и кај поправките на мебелот, покуќнината и покривките за подот за 3,8 проценти, централното греење, другите печатени материјали за 3,5 проценти, услугите за одржување и поправките на живеалиштето за 3,3 проценти, производите за домаќинството - нетрајни за 2,2 проценти, канцеларискиот материјал и материјалите за цртање за 2,1 проценти, малите електрични апарати за домаќинствата за 1,5 проценти, електричните апарати за лична хигиена за 1,4 проценти, одржувањето и поправката на сопствените превозни средства за 1,3 проценти, туристичките аранжмани за 1,1 процент, услугите за рекреација и спорт за еден процент, материјалите за одржување и поправки на живеалиштето за 0,8 процент, стаклените садови, кујнскиот прибор и другата опрема за 0,7 процени, фармацевтските производи, другите апарати и производи за лична хигиена за 0,6 проценти, парамедицинските услуги за 0,5 проценти, другото образование за 0,4 проценти, теписите и другите подни покривки, рестораните, кафулињата и слично, фризерските салони и центрите за разубавување, другите лични предмети за 0,3 проценти и медиумите за снимање за 0,2 проценти. 

Намалување на индексите на трошоците на животот во ноември 2023 година, во споредба со претходниот месец е забележано кај свежото и разладеното овошје за 6,9 проценти, млекото за 0,9 проценти, кафето, чајот, какаото за 0,7 проценти, јајцата, шеќерот, џемот, медот, чоколадата и кондиторските производи за 0,6 проценти, прехранбените производи, неспоменати на друго место за 0,3 проценти, рибата и морските плодови за 0,2 проценти.

Исто така, намалување на индексите на трошоците на животот е забележано и кај воздухопловниот патнички транспорт за 10,4 проценти, течните горива за домаќинствата за 4,8 проценти, горивата и мазивата за сопствените превозни средства за 3,1 проценти, информатичката опрема за обработка на податоците за 0,6 проценти, моторните возила, велосипедите за 0,4 проценти, чевлите и другите обувки, опремата за прием, снимање и репродукција на звук и слики за 0,3 проценти и услугите за сместување за 0,2 проценти.

Во моментов нема коментари за веста. Биди прв да коментира...

Остави коментар