Мултинационалната водечка компанија за аутсорсинг услуги ЕМАПТА ќе отвори деловен простор од 6 000 метри квадратни во ТИРЗ Скопје 1 и планира да вработи 850 млади луѓе во наредните пет години или преку 10 000 за една деценија. До крајот на инвестицискиот период само за плати компанијата најавува дека ќе вложи над 15 милиони евра годишно. Компанијата веќе една година работи во Северна Македонија, во канцеларии во Скопје и има вработено 30 луѓе.
За да добие државна поддршка компанијата мора да има минимум 100 вработени кои ќе земаат најмалку 1 000 евра плата. Поддршката ќе изнесува 3 250 евра по вработен.
„Со проширувањето на ЕМАПТА во земјава и нивната инвестиција во ТИРЗ Скопје 1, воведуваме нов пристап кон диверзификација на инвестициите и проширување кон услужните дејности. Преку ЕМАПТА нашите млади луѓе ќе работат за компании од светски ранг, ќе станат дел од глобалните текови. Ќе работат локално, но ќе делуваат глобално. Со тоа и Северна Македонија станува дел од светските глобализациски трендови“ вели премиерот Димитар Ковачевски.
МИА
ЕМАПТА опслужува разновидни водечки глобални брендови на четири континенти. Во 2022 година остварила приходи од 2,8 милијарди долари, со проекција до три милијарди американски долари за идната година.
„Нашите финансиски планови во Македонија растат континуирано, веќе во 2027 година предвидуваме приходи од 14 милиони евра, а до крајот на инвестицискиот проект во 2033 се предвидуваат приходи од 66 милиони евра. Целната група на компанијата се млади квалитетни луѓе најчесто со високо образование кои ќе останат во државата и ќе работат за странски клиенти“ вели извршната директорка Инга Звик.
ЕМАПТА е основана во 2010 година во Австралија од Тим Ворбах, работи по one-stop-shop концепт и нуди широк спектар професионалци и дејности за да ги задоволи различните барања и потреби на компаниите клиенти. Широкaта понуда на професионални услуги и таленти на ЕМАПТА се насочени кон клучните вертикални пазари, вклучувајќи ИТ и ИКТ, медицина, телеоператори и телекомуникации, IoT (Internet of Things), софтверски инженеринг, истражување и развој во компјутерски технологии, сметководство, продажба,...
.webp){kind=icon}
