.webp){kind=icon}
Поради несолвентност на компанијата мајка oд Германија се запира извршувањето на Договорот за доделување државна помош со компанијата „е.ГО“ и секоја постапка предвидена за доделување јавни средства, информираат од Дирекцијата за ТИРЗ (технолошки индустриски развојни зони).
„Запирањето на доделувањето државна помош следува по добиени јавно достапни информации за поднесено барање за несолвентност на компанијата мајка во СР Германија. Барањето е поднесено пред надлежните судови во оваа земја. Со ова, Дирекцијата за ТИРЗ, како застапник на Владата, ги активира заштитните механизми во потпишаниот договор, кои ги предвидуваат и овие околности (стечај, ликвидација), како предуслов за запирање на доделувањето државна помош“, се наведува во соопштението од Дирекцијата за ТИРЗ.
Оттаму нагласуваат дека и покрај доставените барања од страна на инвеститорот, досега не ѝ се доделени никакви средства на компанијата што требаше да ја гради фабриката во технолошката индустриска зона во Тетово.
Прочитај повеќе
Владата одобрила анекс на договорот за неизградената фабрика за е-возила во Тетово
Владата во заминување на една од последните седници во 2023 година, одржана на 26 декември, дала согласност Дирекцијата за ТИРЗ да склучи анекс на договорот за државна помош.
21.02.2024
Германска компанија ќе прави електрични возила во Тетово
Next.e.GO Mobile SE ќе гради фабрика во слободната зона во Тетово, дознава Bloomberg Adria
11.08.2022
„За сите понатамошни чекори поврзани со овој проект и натамошните активности околу евентуалната реализација, Дирекцијата за ТИРЗ, како застапник на Владата во овој договор, како и досега, ќе дејствува целосно во заштита на јавниот интерес и навремено ќе достави информации“, посочуваат од Дирекција за ТИРЗ.
