Владата ќе бара заем од 78 милиони евра на аукција на записи и обврзници

Владата на аукција на државни записи и обврзници, закажана за 9 април годинава, ќе бара од инвеститорите заем во вкупен износ од 4,8 милијарди денари (78 милиони евра). На аукцијата ќе се понудат едногодишни државни записи во износ од 3,5 милијарди денари (56,9 милиони евра) со каматна стапка од 3,8 проценти.

Истовремено, ќе се понудат и 15-годишни државни обврзници без девизна клаузула во износ од милијарда денари (16,2 милиони евра) и камата од 5,6 проценти, како и 15-годишни државни обврзници со евроклаузула во износ од 300 милиони денари (4,8 милиони евра) со камата од 5,35 проценти.

Министерството за финансии во проспектот за претстојните аукции информира дека износот на државни хартии од вредност што достасува за исплата во април годинава е 3,1 милијарди денари (50,5 милиони евра).

Во моментов нема коментари за веста. Биди прв да коментира...

Остави коментар