Владата ќе бара заем од 116 милиони евра на аукција на записи и обврзници

Владата планира преку аукција на државни записи и обврзници закажна за 4 март годинава да се задолжи за 7,1 милијарди денари (116,2 милиони евра).

Се предвидува да бидат понудени едногодишни државни записи во износ од 5,5 милијарди денари (89,4 милиони евра) со каматна стапка од 3,5 проценти, 15-годишни државни обврзници во износ од 1,5 милијарди денари (24,3 милиони евра) и купонска каматна стапка од 5,1 проценти, како и тригодишни државни обврзници во износ од 150 милиони денари (2,4 милиони евра) со купонска каматна стапка од 3,25 проценти.     

Во проспектот за аукциите, Министерството за финансии информира дека износот на државни хартии од вредност што достасува за исплата во март 2025 година е 7,7 милијарди денари (126,5 милиони евра).