Растот на цените на становите забрза на крајот на 2024 година. Според податоците на НБРМ во четвртиот квартал од минатата година цените на недвижностите на годишно ниво се зголемија за 10,6 отсто. Годишниот раст во третиот квартал изнесуваше 8 отсто.
Високите цени на недвижностите придонесуваат во континуитет да се намалува продажбата. Според податоците на Агенцијата за катастар кои се однесуваат на третиот квартал лани продолжи трендот кој почна во 2022 година и бројот на трансакции за продажба на недвижен имот и натаму се намалува.
Во текот на третиот квартал продадени 2115 се станови. За нив се склучени договори во вредност од 128 милиони евра.
Прочитај повеќе
Продажбата на станови паѓа, хипотеките растат
Во текот на третиот квартал продадени 2115 се станови
29.12.2024
Македонски феномен: Најсиромашни, ама најголеми газди на станови
Најголем број македонски граѓани живеат во сопствени станови и куќи, што не може да се каже за населението во повеќето европски земји.
20.11.2024
Се исплати ли да купите стан за да го издавате? Пресметките велат не
Од издавање стан тешко може да се прави бизнис, особено ако ви е купен на кредит, покажуваат пресметките.
08.11.2024
Купувачите не треба, а го плаќаат данокот за становите: Колку собираат општините?
Законот за даноците на имот е најслаба алка во даночниот систем.
08.07.2024
Според апликацијата www.cenakvadrat.com, просечната цена на метар квадратен во Скопје денеска изнесува 1679 евра. Најскапи се становите во Центар каде вредноста на метар квадратен се доближи до 1900 евра. Следат Карпош и Аеродром.
cenikvadrat.mk
Цените се преценети
„Блумберг Адрија“ веќе пишуваше дека показателот на пазарната во однос на фундаменталната вредност на становите во просек за 2023 година укажува дека домашните цени на становите се преценети. Имено, според НБРМ пазарната вредност на становите во просек за 2023 година била преценета за 10,1 проценти, што е намалување за 1,7 процентен поен во споредба со просечната преценетост за 2022 година, но и натаму е над преценетоста од 4,4 проценти во 2021 година.
„Резултатите според динамичниот капацитет на позајмување посочуваат кон повисока просечна преценетост за 15 проценти во 2023 година. Овие наоди се јавуваат како резултат на продолженото зголемување на цените на становите и растот на каматните стапки на новоодобрените станбени кредити“, пишува во извештајот за финансиска стабилност на Народната банка.
.webp){kind=icon}
