.webp){kind=icon}
Трговците почнаа да размислуваат за можноста Банката на федерални резерви воопшто да не ги зголеми каматните стапки на состанокот во март, по очекуваното зголемување во февруари.
Проекциите за стапките паднаа откако податоците за индексот на потрошувачки цени покажа дека инфлацијата забавува, давајќи ѝ простор на ФЕД помалку да интервенира на следниот состанок. Коментарите на официјалните лица, како на пример, Патрик Харкер, исто така, помогнаа да се поддржи овој потег.
Прочитајте повеќе: Инфлацијата во САД дополнително забави
По објавувањето на декемвриските податоци, прогнозите одат кон тоа дека зголемувањето на каматите на следните два состаноци ќе биде помалку од 50 базични поени.
Со оглед на тоа што цените на договорите во февруари сугерираат поместување од најмалку 25 за тој состанок – но, покажуваат и можност за зголемување од 50 базични поени - тоа значи дека пазарот имплицира дека постојат и мали шанси да нема никакви поместување во март.
