.webp){kind=icon}
Претседателот Џо Бајден и претседателот на Претставничкиот дом oд редовите на републиканците, Кевин Мекарти, останаа без договор за горната граница на долгот во понеделникот вечер по уште една рунда разговори, иако нивните дискусии ги нарекоа продуктивни и ветија дека ќе продолжат да преговараат за да се избегне катастрофалното неисплаќање на обврските од страна на владата на САД.
Двајцата се сретнаа во Белата куќа и средбата траеше подолго од еден час. Претходно, министерката за финансии Џенет Јелен предупреди дека е „многу веројатно“ нејзиниот оддел да остане без доволно готовина на почетокот на јуни и дека неисполнувањето на обврските може да започне веќе од 1 јуни.
„Тонот вечерва беше подобар од кога било другпат кога сме имале дискусии“, им рече Мекарти на новинарите откако излезе од средбата со претседателот. Двајцата лидери, као што рече тој, „имаа продуктивна дискусија. Сè уште немаме договор“.
Прочитај повеќе
Времето немилосрдно тече, Бајден и Мекарти на нова средба за американскиот долг
В понеделник нова рунда преговори за спречување на катастрофалниот исход од неисплаќање на обврските на САД.
22.05.2023
Бајден уверен дека ќе се реши проблемот со долгот, републиканците велат дека се крие
Американскиот претседател изрази уверување дека тимовите ќе постигнат договор за подигнување на горната граница на долгот.
18.05.2023
Јелен: Зголемувањето на долгот е единствениот добар исход за САД
Mинистерката за финансии на САД изјави дека единствениот добар исход во тековниот застој во однос на американскиот долг е Конгресот да ја зголеми границата.
12.05.2023
Ако САД не го подигнат лимитот за задолжување, под закана е националната безбедност
Американската министерка за финансии Џенет Јелен повторно зборуваше за неуспехот на сојузната влада да ги реализира своите давачки.
11.05.2023
Бајден, во изјавата во понеделникот вечер, се согласи дека средбата била „продуктивна“.
„Уште еднаш повторивме дека неисплаќањето на обврските е неприфатливо и единствениот начин да се оди напред е со добра волја кон двопартитен договор“, рече тој.
Мекарти рече дека очекува секојдневно да разговара со Бајден додека не биде запечатен договорот. Внимателно избраните преговарачки тимови на лидерите продолжија со разговорите.
„Ќе ги оставиме тимовите да работат вечерва и да видиме дали ќе постигнеме напредок“, рече Мекарти.
Фјучерсите на американските акции се зголемија откако Мекарти зборуваше за тонот на разговорите, додека нивните еквиваленти во Трезорот останаа малку променети.
По состанокот, Мекарти истакна дека републиканците нема да се согласат на какви било даночни промени како дел од договорот за долгот.
„Не, не ги разгледуваме приходите“, рече тој.
Тековниот ќор-сокак околу плафонот на долгот има потенцијал да ја оптовари американската економија, која е веќе ранлива на рецесија по серијата зголемувања на каматните стапки од страна на Федералните резерви (ФЕД), според „Блумберг економикс“.
Републиканците сакаат да ги намалат домашните трошоци за што е можно повеќе години, додека демократите понудија пониски намалувања во текот на неколку години. Демократите исто така сакаат во договорот да вклучат ограничувања за трошоците за одбрана.
Тоа создава тензија за јастребовски расположените републиканци, кои сакаат да го зголемат буџетот на Пентагон на сметка на подлабок рез кај социјалните трошоци. Мекарти рече дека кратењата во одбраната не треба да бидат на маса.
Американската влада го достигна својот законски лимит за задолжување во јануари и оттогаш Министерството за финансии употребува посебни сметководствени мерки за да ја задржи готовината на располагање.
Доколку не се постигне договор за зголемување на горната граница на долгот, тоа ќе ги доведе во прашање исплатите на инвеститорите во американски обврзници, примателите на помош и оние со кои САД имаат договори.
