Кинеските банки ги намалија каматните стапки откако претходно централната банка одлучи да ја олабави монетарната политика, со цел да го поттикне пазарот на недвижнини кој што падна во криза.
Намалени се петгодишните и едногодишните каматни стапки на станбените кредити.
Намалувањето на каматните стапки е последен потег во серијата мерки за помош на секторот на недвижнини. Кинеската влада вети и посебни кредити наменети за довршување на веќе започнатите градежни проекти.
Прочитај повеќе
Затворени кинески фабрики поради недостиг од струја
Компаниите во провинцијата Сечуан го прекинаа или го намалија производството
17.08.2022
Кина ги намали каматите поради алармантното забавување на економијата
Малопродажбата, индустриското производство и инвестициите бележат забавување и остварените резултати се под економските прогнози.
15.08.2022
До криза во секторот на недвижнини дојде поради големото забавување на кинеската економија. Стравот од нови карантини негативно се одразува на потрошувачката и деловната заедница. Стотици илјади луѓе кои купиле станови и куќи имаат проблем со отплатата на станбените кредити, а поради неизвесноста со карантините домаќинствата повеќе се одлучуваат за штедење отколку за задолжување. Сето тоа дополнително ја отежнува економијата.
Со оглед на тоа дека пазарот на недвижнини во Кина има удел меѓу 20 и 30 отсто од кинескиот бруто домашен производ (БДП), проблемите кои се појавија во тој сектор станаа навистина големи за целокупната економија.
Кинеските акции пораснаа по објавата за намалување на каматните стапки, па индексот CSI 300 се зголеми за 0,8 проценти.
Просечната каматна стапка за новоодобрени станбени кредити во јуни беше намалена на 4,6 отсто, што е најниско ниво од 2017 година.
Целта на новото намалување на каматните стапки е да се поттикне побарувачката за станбени кредити и да се задржат на стабилно ниво тршоците за краткорочни задолжувања. Банките мора да ја зачуваат профитабилноста. Оваа година просечната нето каматна маржа им е намалена поради олабавувањето на монетарната политика и послабата побарувачка за кредити.
Банките имаат пари но, не ги вложуваат во финансиски проекти. Побарувачката за кредити силно опадна во јули. Каматни стапки кои беа намалени за да го поттикнат растот на побарувачката за кредити за сега не ја постигнуваат целта.
„Монетарното попуштање нема да биде доволно за да ја поттикне побарувачката, која што се намали поради падот на пазарот на недвижнини и политиката на нулта стапка на Ковид“, смета Ерик Жу, економски аналитичар од Блумберг.
.webp){kind=icon}
